"મૃતકને ચાલતી ટ્રેનમાંથી પડી જવાથી જીવલેણ ઈજાઓ થઈ હતી. તેની ખોપરીમાં ફ્રૅક્ચર થયું હતું, ડાબો પગનો ઘૂંટણ કપાઈ ગયો હતો અને ડાબો હાથ તૂટી ગયો હતો. આકસ્મિક મૃત્યુનો અહેવાલ નોંધવામાં આવ્યો છે અને વધુ તપાસ ચાલી રહી છે," વાશી રેલવે પોલીસે માહિતી આપી.
પ્રતિકાત્મક ફાઇલ તસવીર
મુંબઈ લોકલ ટ્રેનમાં ગુરુવારે બનેલી ભયાનક ઘટનાના બે દિવસ બાદ વધુ અકસ્માતની ઘટના સામે આવી હતી. શુક્રવારે સાંજે 4:15 વાગ્યાની વાશી રેલવે સ્ટેશન પર ચાલતી લોકલ ટ્રેનમાંથી પડી જવાથી 41 વર્ષીય વ્યક્તિનું મોત થયું છે. મૃતકની ઓળખ જયેશ શશિકાંત મયકર તરીકે થઈ છે, જે મુંબઈ સેન્ટ્રલનો રહેવાસી હતો.
વાશી રેલવે પોલીસ સ્ટેશનમાં અકસ્માત મૃત્યુ અહેવાલ નોંધવામાં આવ્યો
ADVERTISEMENT
વાશી રેલવે પોલીસ સ્ટેશનમાં નોંધાયેલા અકસ્માત મૃત્યુ અહેવાલ મુજબ, મયકર પ્લેટફોર્મ 3 અને 4 પરથી CSMT જતી લોકલ ટ્રેનમાં ચઢવાનો પ્રયાસ કરી રહ્યા હતા ત્યારે તેમનું સંતુલન ખોવાઈ ગયું અને તેઓ ટ્રેન અને પ્લેટફોર્મ વચ્ચે પડી ગયા. તેમને ઘણી ઇજાઓ થઈ હતી અને તેમને વાશીની નવી મુંબઈ મ્યુનિસિપલ હૉસ્પિટલમાં લઈ જવામાં આવ્યા હતા, જ્યાં ડૉક્ટરોએ તેમને સાંજે 5:13 વાગ્યે મૃત જાહેર કર્યા હતા.
પોલીસે જીવલેણ ઈજાઓની પુષ્ટિ કરી, તપાસ ચાલુ છે
"મૃતકને ચાલતી ટ્રેનમાંથી પડી જવાથી જીવલેણ ઈજાઓ થઈ હતી. તેની ખોપરીમાં ફ્રૅક્ચર થયું હતું, ડાબો પગનો ઘૂંટણ કપાઈ ગયો હતો અને ડાબો હાથ તૂટી ગયો હતો. આકસ્મિક મૃત્યુનો અહેવાલ નોંધવામાં આવ્યો છે અને વધુ તપાસ ચાલી રહી છે," વાશી રેલવે પોલીસ સ્ટેશનના સિનિયર પોલીસ ઇન્સ્પેક્ટર કિરણ ઉંડ્રેએ જણાવ્યું હતું. તેમણે ઉમેર્યું હતું કે પીએસઆઈ ધર્મરાજ પારધી તપાસ સંભાળી રહ્યા છે.
તાજેતરનું રેલવે આંદોલન
મુંબ્રામાં પાંચ જણનો જીવ લેનારી ટ્રૅજેડી માટે જવાબદાર ઠેરવાયેલા પોતાના એન્જિનિયરોને બચાવવા છત્રપતિ શિવાજી મહારાજ ટર્મિનસ પર અચાનક પીક અવર્સમાં સેન્ટ્રલ રેલવે મઝદૂર સંઘે કરેલું આંદોલન કાતિલ નીવડ્યું. નિર્દોષ આદમી કે ખિલાફ દર્ઝ FIR વાપસ લો, GRP કી તાનાશાહી બંદ કરો- આવા સૂત્રોચ્ચાર સાથે સેન્ટ્રલ રેલવે મઝદૂર સંઘે ટ્રેનો અટકાવી દીધી : બે આરોપી એન્જિનિયરો સામે ગંભીર કાર્યવાહી નહીં થાય એવું ડિવિઝનલ રેલવે મૅનેજરે આશ્વાસન આપ્યું એ પછી આંદોલન સમેટાયું. પોતાના એન્જિનિયરોના બચાવમાં સાંજે ૫.૫૦ વાગ્યે છત્રપતિ શિવાજી મહારાજ ટર્મિનસ (CSMT) પર સેન્ટ્રલ રેલવે મઝદૂર સંઘે ઓચિંતું રેલરોકો આંદોલન કરી દેતાં ૫૦ મિનિટ સુધી ટ્રેનો અટકી ગઈ હતી. એ પછી ૬.૪૦ વાગ્યે ફરી ટ્રેનો CSMTથી થાણેની દિશામાં દોડી હતી. ટ્રેનો અટકી પડતાં સાંજના પીક અવર્સમાં મોટા ભાગનાં સ્ટેશનોએ સખત ગિરદી થઈ હતી. સખત ગિરદી અને ટ્રેનો આવતી ન હોવાથી ઘણા પ્રવાસીઓ ટ્રેનના પાટા પર ચાલતા નીકળી પડ્યા હતા. એ વખતે સૅન્ડહર્સ્ટ રોડ પાસે સામેથી અંબરનાથથી CSMT જઈ રહેલી ફાસ્ટ ટ્રેન તેમનામાંના પાંચ જણ પર ફરી વળતાં એમાંથી બે જણનાં મોત થયાં હતાં. ઘાયલોને તરત જેજે હૉસ્પિટલ લઈ જવાયા હતા, પણ ડૉક્ટરે તપાસીને એક અજાણ્યા યુવક અને ૧૯ વર્ષની હેલી મોમાયાને મૃત્યુ પામેલાં જાહેર કર્યાં હતાં. અન્ય ૩ પ્રવાસીઓ બાવીસ વર્ષનો કૈફ ચૌગુલે, યાફિઝા ચૌગુલે અને ૪૫ વર્ષની ખુશ્બૂ મોમાયાને સારવાર આપવામાં આવી હતી.
