મહારાષ્ટ્ર સરકાર દ્વારા મુંબઈ મેટ્રો લાઇન ૧૩ અને પુણે રિંગ રોડ વિસ્તરણને મંજૂરી

Mumbai Metro line 13 approved: મુખ્યમંત્રી દેવેન્દ્ર ફડણવીસના અધ્યક્ષપદે મહારાષ્ટ્ર કેબિનેટે રુપિયા ૨૮,૦૦૦ કરોડથી વધુના ટ્રાન્સપોર્ટ પ્રોજેક્ટ્સને આપી મંજૂરી; મીરા-ભાઈંદરને વસઈ-વિરાર સાથે જોડતી ૨૫ કિલોમીટર લાંબી `મુંબઈ મેટ્રો લાઇન ૧૩` ને લીલી ઝંડી

પ્રતીકાત્મક ફાઇલ તસવીર

મહારાષ્ટ્ર સરકાર (Maharashtra Government) એ પ્રાદેશિક પરિવહન નેટવર્કને મજબૂત કરવા અને શહેરી વિસ્તારોમાં મુસાફરીની સમસ્યાઓ હળવી કરવાના હેતુથી એક મુખ્ય ઇન્ફ્રાસ્ટ્રક્ચર પ્રોજેક્ટને મંજૂરી આપી છે. આ પ્રોજેક્ટ હેઠળ `મુંબઈ મેટ્રો લાઇન ૧૩` (Mumbai Metro Line 13) ના નવા કોરિડોરને લીલી ઝંડી આપવામાં આવી છે, જે મીરા-ભાઈંદર (Mira-Bhayander) અને વસઈ-વિરાર (Vasai-Virar) વચ્ચેની કનેક્ટિવિટીમાં નોંધપાત્ર સુધારો કરશે. આ મેટ્રો પ્રોજેક્ટની સાથે જ `પુણે રિંગ રોડ` (Pune Ring Road extension) ના વિસ્તરણને પણ મંજૂરી આપવામાં આવી છે, જેનાથી કનેક્ટિવિટી વધુ સુદ્રઢ બનશે.

મુંબઈ (Mumbai) — અર્બન ટ્રાન્સિટના વિસ્તરણને મોટો વેગ આપતા, મહારાષ્ટ્ર કેબિનેટ ઇન્ફ્રાસ્ટ્રક્ચર કમિટીએ મુંબઈ મેટ્રોપોલિટન રીજન (Mumbai Metropolitan Region) અને પુણેમાં રુપિયા ૨૮,૨૨૭ કરોડથી વધુના ઈન્ફ્રાસ્ટ્રક્ચર પ્રોજેક્ટ્સને મંજૂરી આપી છે. મુખ્યમંત્રી દેવેન્દ્ર ફડણવીસની અધ્યક્ષતામાં મળેલી કેબિનેટ બેઠકમાં રુપિયા ૧૭,૭૨૪.૯૯ કરોડના `મુંબઈ મેટ્રો લાઇન ૧૩` માટે વહીવટી મંજૂરી આપવામાં આવી છે અને `પુણે રિંગ રોડ`ના પૂર્વ વિસ્તરણ માટે રુપિયા ૧૦,૫૦૨.૩૬ કરોડના સુધારેલા ખર્ચને સહમતિ આપવામાં આવી છે.

ADVERTISEMENT

મીરા-ભાઈંદરને વસઈ-વિરાર સાથે જોડશે

આગામી `મુંબઈ મેટ્રો લાઇન ૧૩` થાણે (Thane) જિલ્લાના મીરા-ભાઈંદર અને પાલઘર જિલ્લાના ઉપગ્રહીય શહેરો વસઈ અને વિરાર વચ્ચે સીધી રેપિડ ટ્રાન્સિટ કનેક્ટિવિટી સ્થાપિત કરશે. મુંબઈ મેટ્રોપોલિટન રીજન ડેવલપમેન્ટ ઓથોરિટી (Mumbai Metropolitan Region Development Authority) દ્વારા અમલમાં મૂકવામાં આવનાર આ ૨૫.૦૩ કિમી લાંબા ટ્રાન્સિટ કોરિડોરમાં ૧૬ સ્ટેશનો હશે—જેમાં ૧૩ એલિવેટેડ અને ત્રણ અંડરગ્રાઉન્ડ (ભૂગર્ભ) સ્ટેશનોનો સમાવેશ થાય છે. આ સમગ્ર રૂટમાં ૨૧.૭૮ કિમીનો એલિવેટેડ ભાગ અને ૩.૨૫ કિમીનો ભૂગર્ભ ભાગ સામેલ છે.

આ પ્રોજેક્ટની એન્જિનિયરિંગ વિશેષતાઓમાં વસઈ ખાડી પર ૪.૯૨ કિમી લાંબો એકીકૃત સિક્સ-લેન ડબલ-ડેક બ્રિજ શામેલ છે, જે પાંજુ આઇલેન્ડને જોડશે. હાલના જાહેર પરિવહન સાથે સરળતાથી જોડાવા માટે ડિઝાઇન કરાયેલી મેટ્રો લાઇન ૧૩, મીરા ભાઈંદરમાં નેતાજી સુભાષચંદ્ર બોઝ સ્ટેડિયમ ખાતે મેટ્રો લાઇન ૯ સાથે ઇન્ટરચેન્જ સુવિધા આપશે અને નાઇગાંવ, નાલાસોપારા તથા વિરાર ખાતે ઉપનગરીય રેલવે સ્ટેશનો સાથે કનેક્ટિવિટી પ્રદાન કરશે. સત્તાવાર નિવેદનો અનુસાર, ચિખલ ડોંગરી ખાતે ૨૪.૮૪ હેક્ટર જમીન પર મુખ્ય મેન્ટેનન્સ ડેપો સ્થાપિત કરવામાં આવશે.

પ્રાદેશિક ગતિશીલતા અને પર્યાવરણને ફાયદો

રાજ્યના અધિકારીઓનો અંદાજ છે કે આ લાઇન ૨૦૩૧ સુધીમાં દૈનિક આશરે ૪.૪૯ લાખ મુસાફરોને સેવા આપશે, જે મીરા રોડ અને વિરાર વચ્ચેના મુસાફરીના સમયમાં લગભગ૫૦ ટકાનો ઘટાડો કરશે. અધિકારીઓએ નોંધ્યું હતું કે વાહનચાલકો ઈલેક્ટ્રિક ટ્રાન્સિટ તરફ વળવાથી રાષ્ટ્રીય ધોરીમાર્ગો પર ટ્રાફિકનું ભીડભાડ ઘટશે, કાર્બન ઉત્સર્જનમાં ઘટાડો થશે અને પ્રાદેશિક ઔદ્યોગિક કેન્દ્રો સાથેના સંબંધો મજબૂત થશે. મુખ્યમંત્રી ફડણવીસે સ્થાનિક આયોજન સત્તામંડળોને ૬ મહિનાની અંદર જમીન સંપાદન પૂર્ણ કરવા અને એક્સેસ રોડ બનાવવાની સૂચના આપી છે, જેનો હેતુ પાંચ વર્ષમાં પ્રોજેક્ટ પૂર્ણ કરવાનો છે.

પુણે રિંગ રોડના પૂર્વ વિસ્તરણને લીલી ઝંડી

મેટ્રો લાઇન ૧૩ ની સાથે, રાજ્ય સરકારે મહારાષ્ટ્ર સ્ટેટ રોડ ડેવલપમેન્ટ કોર્પોરેશન (MSRDC) દ્વારા સંચાલિત પુણે રિંગ રોડના ૩૧.૮ કિમી લાંબા પૂર્વ વિસ્તરણ માટે રુપિયા ૧૦,૫૦૨.૩૬ કરોડ મંજૂર કર્યા છે. આ સિક્સ-લેન એક્સેસ-કંટ્રોલ્ડ એક્સપ્રેસવે પુણે-સોલાપુર રોડ પરના સોરતાપવાડીથી પુણે-સતારા હાઇવે પરના વર્વે-શિવારે સુધી જશે. ૧૨૦ કિમી પ્રતિ કલાકની ડિઝાઇન સ્પીડ, ૪ ટનલ, ૧૮ વાયડક્ટ્સ અને ૩ મોટા પુલ ધરાવતો આ પ્રોજેક્ટ જૂન ૨૦૨૯ માં પૂર્ણ થવાના લક્ષ્ય સાથે મેટ્રોપોલિટન પુણેની આસપાસના ભારે આંતર-શહેરી ફ્રેટ (માલસામાન) ટ્રાફિકને બાયપાસ કરશે.