વર્લ્ડ હેલ્થ ઑર્ગેનાઇઝેશનની તમામ દેશોને હાકલ
પ્રતીકાત્મક તસવીર
વર્લ્ડ હેલ્થ ઑર્ગેનાઇઝેશન(WHO)એ દેશોને આગામી દાયકામાં ખાંડવાળાં પીણાં, આલ્કોહૉલ અને તમાકુના ભાવમાં ૫૦ ટકા જેટલો વધારો કરવા માટે હાકલ કરી છે.
WHO માને છે કે આ ટૅક્સ લાગુ કરીને દેશો ડાયાબિટીઝ અને કૅન્સર જેવા કેટલાક રોગોમાં ફાળો આપતાં હાનિકારક ઉત્પાદનોનો વપરાશ ઘટાડી શકે છે. આ પગલાને વૈશ્વિક સ્તરે જાહેર આરોગ્ય પડકારોનો સામનો કરવા માટે એક મહત્ત્વપૂર્ણ પગલું તરીકે જોવામાં આવે છે. ક્રોનિક સ્વાસ્થ્ય સમસ્યાઓને કાબૂમાં લેવા અને વિશ્વભરમાં આરોગ્ય-પ્રણાલીઓ માટે આવક ઊભી કરવાના હેતુથી આ નવી પહેલ કરવામાં આવી છે.
ADVERTISEMENT
WHOનું માનવું છે કે આ પ્રકારે જમા થનારો હેલ્થ-ટૅક્સ આપણી પાસેનાં સૌથી કાર્યક્ષમ સાધનોમાંનું એક બનશે. ૨૦૨૫ સુધીમાં આ ટૅક્સ દ્વારા એક ટ્રિલ્યન ડૉલરનું ભંડોળ જમા કરવાનો ઉદ્દેશ છે જેને વિવિધ સ્વાસ્થ્ય પ્રોજેક્ટો માટે વાપરવામાં આવશે.
