ચૂંટણી પંચે આજે લોકસભા ચૂંટણીની તારીખોની જાહેરાત કરી છે. ચૂંટણી પંચે કહ્યું કે લોકસભા ચૂંટણી માટે મતદાન 19 એપ્રિલથી શરૂ થશે અને પરિણામ 4 જૂને આવશે.
પ્રતીકાત્મક તસવીર
કી હાઇલાઇટ્સ
- 19 એપ્રિલથી મતદાન થશે શરૂ
- સાત તબક્કામાં યોજાશે લોકસભા ચૂંટણીનું મતદાન
- 4 જૂનના રોજ પરિણામ થશે જાહેર
Lok Sabha Election: ચૂંટણી પંચે આજે લોકસભા ચૂંટણીની તારીખોની જાહેરાત કરી છે. ચૂંટણી પંચે કહ્યું કે લોકસભા ચૂંટણી માટે મતદાન 19 એપ્રિલથી શરૂ થશે અને પરિણામ 4 જૂને આવશે. લોકસભા ચૂંટણી 7 તબક્કામાં યોજાશે, જેમાંથી પ્રથમ તબક્કો 19 એપ્રિલ, બીજો તબક્કો 26 એપ્રિલ, ત્રીજો તબક્કો 7 મે, ચોથો તબક્કો 13 મે, પાંચમો તબક્કો 20 મેના રોજ, છઠ્ઠો તબક્કો 25 મેના રોજ અને સાતમો તબક્કો 1 જૂનના રોજ યોજાશે.
આ સાથે ચાર રાજ્યોની વિધાનસભા ચૂંટણીની પણ જાહેરાત કરવામાં આવી છે. આ અંતર્ગત 19 એપ્રિલે અરુણાચલ પ્રદેશની 60 અને સિક્કિમની 32 વિધાનસભા બેઠકો માટે મતદાન થશે. તેવી જ રીતે, આંધ્રપ્રદેશની 175 વિધાનસભા બેઠકો અને ઓડિશાની 147 વિધાનસભા બેઠકો માટે 13 મેના રોજ મતદાન થશે. આ રાજ્યોના પરિણામો પણ લોકસભા ચૂંટણીના પરિણામો સાથે જાહેર કરવામાં આવશે.
ADVERTISEMENT
ચૂંટણી પંચના જણાવ્યા અનુસાર પ્રથમ તબક્કામાં 102 બેઠકો પર 19 એપ્રિલે, બીજા તબક્કામાં 26 એપ્રિલે 89 બેઠકો અને ત્રીજા તબક્કામાં 7 મેના રોજ 94 બેઠકો પર મતદાન થશે. તેવી જ રીતે ચોથા તબક્કાની ચૂંટણી માટે 13 મેના રોજ 96 બેઠકો પર, 20 મેના રોજ પાંચમા તબક્કામાં 49 બેઠકો, 25 મેના રોજ છઠ્ઠા તબક્કામાં 57 બેઠકો અને સાતમા અને અંતિમ તબક્કામાં 1 જૂનના રોજ 57 બેઠકો પર મતદાન થશે.
Lok Sabha Elections: Polls to be held from April 19 in 7 phases, result on June 4
— ANI Digital (@ani_digital) March 16, 2024
Read @ANI Story | https://t.co/lNhOfL2w5L#lokshabhaelecton2024 #RajivKumar #ChieElectionCommissioner pic.twitter.com/3XKWKTjnCq
મહારાષ્ટ્રમાં ક્યારે થશે મતદાન?
લોકસભા ચૂંટણીની તારીખોની જાહેરાત કરતા ચૂંટણી પંચે કહ્યું કે મહારાષ્ટ્રમાં પહેલા, બીજા, ત્રીજા, ચોથા અને પાંચમા તબક્કામાં ચૂંટણી યોજાશે.
ગુજરાતમાં ચૂંટણી ક્યારે યોજાશે?
ગુજરાત લોકસભાની ચૂંટણીમાં મહત્વનું રાજ્ય છે. જ્યાં લોકસભાની 26 બેઠકો છે. આ રાજ્યમાં ચૂંટણીની તારીખોની વાત કરીએ તો અહીં 7 મેના રોજ મતદાન થશે. ગુજરાતમાં ત્રીજા તબક્કામાં મતદાન થશે. તમને જણાવી દઈએ કે 2019ની લોકસભા ચૂંટણી દરમિયાન ભાજપે સમગ્ર રાજ્યમાં એકલા હાથે 26 બેઠકો જીતીને બીજી વખત ઝંડો ફરકાવ્યો હતો. ગુજરાતના તમામ રાજકીય પક્ષોએ પોતપોતાના ઉમેદવારોની યાદી જાહેર કરી દીધી છે. હવે જોવાનું એ છે કે આ લોકસભાની ચૂંટણીમાં કોણ જીતે છે? કોંગ્રેસ ગુજરાતમાં ખાતું ખોલાવી શકશે કે નહીં?