મોટી ઇવેન્ટમાં હથિયાર મળી આવતાં સુરક્ષા સામે પ્રશ્નો
પ્રતીકાત્મક તસવીર
બાંદરા-કુર્લા કૉમ્પ્લેક્સ (BKC)ના MMRDA ગ્રાઉન્ડ્સ ખાતે ૧૧ એપ્રિલે આયોજિત હિપહૉપની ઇવેન્ટ સિમ્બા અપરોર 2026 કાર્યક્રમમાં સ્ટેબિંગની એક ચોંકાવનારી ઘટના બની હતી જેને કારણે ત્યાંની સેફ્ટી વિશે ચિંતા વ્યક્ત કરવામાં આવી હતી.
આદિત્ય મુખી નામના માસ્ટર ઑફ બિઝનેસ ઍડ્મિનિસ્ટ્રેશન (MBA) સ્ટુડન્ટ પર ચપ્પુથી હુમલો થયો હતો જેમાં તેને ગંભીર ઈજા પહોંચી હતી. સાયનમાં રહેતા આદિત્ય મુખીને તાત્કાલિક હૉસ્પિટલમાં લઈ જવાયો હતો અને હાલમાં તેની સારવાર ચાલી રહી છે. આ મ્યુઝિકલ ઇવેન્ટમાં મોટી સંખ્યામાં યુવકો-યુવતીઓ હાજર રહ્યાં હોવાથી આ હુમલાથી ત્યાંની સેફ્ટી વિશે ગંભીર પ્રશ્નો ઊભા થયા છે.
ADVERTISEMENT
વળી ઇવેન્ટમાં એન્ટ્રી લેતી વખતે કડક ચેકિંગ અને મર્યાદિત વસ્તુઓ જ લઈ જવાની મંજૂરી હોય છે ત્યારે હુમલાખોર હથિયાર અંદર કઈ રીતે લઈ જઈ શક્યો એ વિશે પણ ચિંતા વ્યક્ત કરવામાં આવી રહી છે. આ ઘટના વિશે બાંદરા-કુર્લા કૉમ્પ્લેક્સ પોલીસ-સ્ટેશનમાં કેસ નોંધાયો છે અને તપાસ ચાલી રહી છે.
