બુરહાનપુરમાં બકરીઓ પાળવાનું કામ કરતા હામિદ નામના એક ભાઈને ત્યાંનો બકરો ખાસ ચર્ચામાં છે
આ બકરો પંજાબી નસલનો છે
મુસ્લિમોનો તહેવાર બકરી ઈદ નજીક આવે એટલે માર્કેટમાં બકરાનું વેચાણ થવાનું શરૂ થઈ જાય. આ સમયમાં ખૂબ મોટી માત્રામાં બકરાઓની લે-વેચ થઈ રહી છે. જોકે મધ્ય પ્રદેશના બુરહાનપુરમાં બકરીઓ પાળવાનું કામ કરતા હામિદ નામના એક ભાઈને ત્યાંનો બકરો ખાસ ચર્ચામાં છે. આ બકરો પંજાબી નસલનો છે. આ બકરો ૬ ફુટ લાંબો છે. એને ભોજનમાં ડ્રાયફ્રુટ્સ, મકાઈ અને છોલે ખાવા જોઈએ છે. આ બકરો હામિદને બહુ વહાલો છે. જેમ લોકો કૂતરાને સાંજે આંટો મરાવવા લઈ જાય એમ હામિદ એને લઈને આંટો મરાવવા જાય છે. પંજાબી નસલની બકરી વર્ષમાં બે વાર બચ્ચાં આપે છે અને એની કિંમત પચાસથી ૬૦ હજાર જેટલી હોય છે.
