હવે હાથો પકડી ન રાખવો પડે એવી સ્માર્ટ છત્રી આવી ગઈ

આ એવી સ્માર્ટ અમ્બ્રેલા છે જે તમે જ્યાં જાઓ ત્યાં આપમેળે ઊડતી-ઊડતી તમને કવર કરે છે

સ્માર્ટ છત્રી

એક ચાઇનીઝ એન્જિનિયરે ઊડતી છત્રીનો આવિષ્કાર કર્યો છે. આ એવી સ્માર્ટ અમ્બ્રેલા છે જે તમે જ્યાં જાઓ ત્યાં આપમેળે ઊડતી-ઊડતી તમને કવર કરે છે. તમારે હાથો પકડી રાખવો નથી પડતો. જાણે તમારા માટે જ ઊડતી રકાબી ફરતી હોય એવો અહેસાસ થાય. આ છત્રી વરસાદ અને ધોમધખતા તડકા બન્નેથી બચાવી શકે એવી છે. આ સ્માર્ટ છત્રી ડ્રોન ટેક્નૉલૉજીથી કામ કરે છે. એના ઉપરના આવરણની અંદર ચાર પ્રોપેલર લાગેલાં છે જે ડ્રોનની જેમ એને હવામાં ઊડવામાં મદદ કરે છે. એ છત્રીમાં સેન્સર્સ લાગેલાં છે જેને કારણે એ માણસને થ્રી-ડાયમેન્શનમાં ફૉલો કરી શકે છે. સેન્સર્સમાં સેટિંગ કરવાથી તમે જ્યાં જાઓ ત્યાં તમારી ઉપર જ ફરે છે.  આ છત્રીને ફોલ્ડ કરીને બૅગમાં પણ મૂકી શકાય એમ છે. 3D પ્રિન્ટિંગ અને કાર્બન ફાઇબર તેમ જ નાયલૉનથી બનેલી આ છત્રી બનાવતાં ચાઇનીઝ એન્જિનિયરને એક વર્ષનો સમય લાગ્યો હતો.