સારા મૉન્ટાલ્વો અને તેના પાર્ટનરે બીજા શહેરમાં જઈને ચૂપચાપ લગ્ન કરવાનો પ્લાન બનાવ્યો હતો, પરંતુ ફ્લાઇટની અટેન્ડન્ટે ૩૫,૦૦૦ ફુટની ઊંચાઈએ સફર દરમ્યાન જ તેમને લગ્ન કરાવી આપવાની વ્યવસ્થા કરી આપી હતી.
ભાગીને જઈ રહેલા કપલે ફ્લાઇટમાં ટૉઇલેટ પેપરના હારથી લગ્ન કરી લીધાં
અમેરિકાના લાસ વેગસમાં લગ્ન કરવા ઘરેથી ભાગી નીકળેલા કપલે પ્લેનમાં જ લગ્ન કરી લીધાં. સારા મૉન્ટાલ્વો અને તેના પાર્ટનરે બીજા શહેરમાં જઈને ચૂપચાપ લગ્ન કરવાનો પ્લાન બનાવ્યો હતો, પરંતુ ફ્લાઇટની અટેન્ડન્ટે ૩૫,૦૦૦ ફુટની ઊંચાઈએ સફર દરમ્યાન જ તેમને લગ્ન કરાવી આપવાની વ્યવસ્થા કરી આપી હતી. પ્લેનમાં જે મળ્યું એનાથી જ સારાને દુલ્હનની જેમ તૈયાર કરવામાં આવી. ટૉઇલેટ પેપરની મદદથી જ વેડિંગ ડ્રેસનો આગળનો ભાગ બનાવી આપ્યો. હાથમાં ફૂલોના બુકેની જગ્યાએ કૉફી હલાવવા માટેની સ્ટરિંગ-સ્ટિક્સથી બુકે તૈયાર કર્યો. પ્લેનમાં હાજર ૧૭૮ પ્રવાસીઓને એ લગ્નના સાક્ષી બનાવવામાં આવ્યા. આ અનોખાં વેડિંગનો વિડિયો સોશ્યલ મીડિયા પર વાઇરલ થયો છે.
