કૅબમાં લોકો સૌથી વધારે ફોન, બૅગ, પર્સ અને કપડાં ભૂલી જાય છે
પ્રતીકાત્મક તસવીર
દિલ્હીને માત્ર દેશનું જ નહીં ગાડીમાં સામાન ભૂલી જતા ભૂલકણા લોકોનું પાટનગર પણ કહી શકાય. ટ્રાન્સપોર્ટેશન કંપની ઉબરે હાલમાં ૨૦૨૪ના વર્ષનો લૉસ્ટ ઍન્ડ ફાઉન્ડ ઇન્ડેક્સ બહાર પાડ્યો હતો એ મુજબ ટૅક્સીમાં સામાન ભૂલી જવાની સૌથી વધુ ઘટના દિલ્હીમાં નોંધાઈ છે. દિલ્હી સતત બીજા વર્ષે આ ઇન્ડેક્સમાં મોખરાના સ્થાને છે. સામાન ભૂલવામાં બીજા ક્રમે મુંબઈ અને ત્રીજા ક્રમે બૅન્ગલોર છે. એ પછી હૈદરાબાદ અને પુણેનો નંબર આવે છે. .કૅબમાં લોકો સૌથી વધારે ફોન, બૅગ, પર્સ અને કપડાં ભૂલી જાય છે એ પછી પાણીની બૉટલ, ચાવી, ચશ્માં, જ્વેલરી આવે છે. ઉબરની ઍપ પર ખોવાયેલો સામાન શોધવાનો વિકલ્પ છે. લોકો ઑપ્શન પર ક્લિક કરીને ચીજવસ્તુઓનું લિસ્ટ જોઈ શકે છે.
