૧૮૯૨ સ્ક્વેર ફુટમાં બનાવ્યું વિશ્વનું સૌથી જાયન્ટ હળદર-મસાલાનું પેઇન્ટિંગ

આ ચિત્ર ૧૨૦૯ સ્ક્વેર ફુટનું હતું અને એ માત્ર મોંમાં પીંછી લઈને બનાવવામાં આવ્યું હતું

હળદર-મરચાંનું પેઇન્ટિંગ

કર્ણાટકના ધારવાડમાં રહેતા અમર કાળે નામના કલાકારે પેઇન્ટિંગ વિશ્વમાં અનોખો રેકૉર્ડ બનાવ્યો છે. ભારતની ખાસિયત એના મસાલા છે. હળદર-મરચું જેવાં બેસિક સ્પાઇસિસની મદદથી અમર કાળેએ ૧૭૯ સ્ક્વેર મીટર એટલે કે લગભગ ૧૮૯૨ સ્ક્વેર ફુટના એક કૅન્વસ પર એક ચિત્ર તૈયાર કર્યું છે. એ ચિત્રમાં કર્ણાટકનો મૅપ અને એમાં કર્ણાટકનો જાણીતો હમ્પીનો રથ દેખાય છે. માતૃભૂમિ કર્ણાટકને સમર્પિત કરેલી આ કલા થકી અમરે કર્ણાટકની સમૃદ્ધ સંસ્કૃતિ અને શાનદાર વિરાસતને ગ્લોબલ સ્તરે ફેમસ કરવાનો પ્રયત્ન કર્યો છે.  

ADVERTISEMENT

મોંમાં પીંછી લઈને બનાવેલું ચિત્ર

આ પહેલાં અમર કાળેએ ભારતના ઑપરેશન સિંદૂરના સાહસમાં ભારતીય સૈનિકોના સાહસનું નિદર્શન કરતું એક પેઇન્ટિંગ બનાવ્યું હતું. આ ચિત્ર ૧૨૦૯ સ્ક્વેર ફુટનું હતું અને એ માત્ર મોંમાં પીંછી લઈને બનાવવામાં આવ્યું હતું. એ ચિત્રને પણ ગિનેસ વર્લ્ડ રેકૉર્ડ્સમાં મોંએથી બનાવેલા સૌથી મોટા પેઇન્ટિંગનો ખિતાબ પણ મળ્યો હતો.