ઘરના માલિકોનું કહેવું છે કે આ કંઈ ભેંસ નથી, અમારી દીકરી જેવી જ છે
તસવીર સૌજન્યઃ સોશ્યલ મીડિયા
સોશ્યલ મીડિયામાં એક મજેદાર વિડિયો વાઇરલ થયો છે. એમાં એક ભેંસ ઘરની બહાર બનેલી ગમાણમાં ઊભી છે, પરંતુ અહીંથી મેઇન રૂમમાં ટીવી ચાલુ હોય એ દેખાય છે. માલિકોનો દાવો છે કે આ ભેંસને ટીવી જોવાની બહુ આદત છે. જો કોઈ સિરિયલ ચાલુ ન હોય તો એ દૂધ દોહવા નથી દેતી. વિડિયોમાં ભેંસ રૂમની બહાર ઊભી-ઊભી અંદર ચાલતા ટીવીમાં ખૂબ ધ્યાનથી જોઈ રહી છે. પાસે ઊભેલી મહિલા એને હટાવવાની કોશિશ કરે છે, પણ એ ટસની મસ નથી થતી. વિડિયો સાથે કૅપ્શનમાં લખ્યું છે - નો સિરિયલ, નો મિલ્ક. ટીવી બંધ થઈ જાય તો આ ભેંસ દૂધ દોહવા માટે સ્થિર ઊભી જ નથી રહેતી. તેને સ્થિર રાખવી હોય તો ટીવી ચાલુ કરવું જ પડે છે. ઘરના માલિકોનું કહેવું છે કે આ કંઈ ભેંસ નથી, અમારી દીકરી જેવી જ છે.
