પ્લેનમાં બાથરૂમ એકદમ નાનું હોય છે, પરંતુ એમાં તેણે ગોળ-ગોળ ઘૂમીને દોડવાનું શરૂ કર્યું હતું
તસવીર સૌજન્યઃ સોશ્યલ મીડિયા
બર્લિનના ડોમ સ્ટ્રોહ નામના ઍથ્લીટે ૩૫,૦૦૦ ફુટની ઊંચાઈ પર પ્લેનના બાથરૂમમાં પાંચ કિલોમીટરનું રનિંગ કર્યું હતું. ડોમ ઍથ્લીટ હોવા ઉપરાંત કન્ટેન્ટ-ક્રીએટર પણ છે. તેણે ૧૧ કલાકની ફ્લાઇટ દરમ્યાન હવામાં પાંચ કિલોમીટરની મૅરથૉન દોડવાની ચૅલેન્જ પૂરી કરી હતી. પ્લેનમાં બાથરૂમ એકદમ નાનું હોય છે, પરંતુ એમાં તેણે ગોળ-ગોળ ઘૂમીને દોડવાનું શરૂ કર્યું હતું. જગ્યા ઓછી હોવાથી તેણે વારંવાર ટર્ન લેવો પડતો હતો એટલે તે ઘણી વાર ટૉઇલેટની સીટ પર પગ રાખીને ઘૂમતો રહ્યો. એક કલાકમાં તેણે ૫.૫૩ કિલોમીટનું અંતર દોડી નાખ્યું હતું. આ સ્ટન્ટનો તેણે વિડિયો પણ બનાવ્યો હતો. વિડિયોમાં ડિજિટલ સ્ક્રીન પર સમય અને અંતર બન્ને સાફ દેખાય છે.
