શિરુર તાલુકાના શિકરાપુર ગામમાં ૪ પગવાળો એક કૂકડો મળી આવ્યો હતો
કૂકડો
પુણેના શિરુરમાં એક વિચિત્ર ઘટના બની હતી. શિરુર તાલુકાના શિકરાપુર ગામમાં ૪ પગવાળો એક કૂકડો મળી આવ્યો હતો. આ સમાચાર સાંભળીને આવો અનોખો કૂકડો જોવા માટે આસપાસથી મોટી ભીડ ઊમટી આવી હતી.
સ્થાનિક રિપોર્ટ્સ પરથી જાણવા મળ્યું કે એક વેપારીને ત્યાં આ કૂકડો દેખાયો છે, જે તે વેચવા માટે લઈ આવ્યો હતો. એને ધ્યાનથી જોતાં સમજાયું કે એને ૪ પગ છે. એ તો એને સામાન્ય કૂકડો સમજીને જ લઈ આવ્યો હતો. વેપારી કહે છે, ‘મારા જીવનમાં પહેલી વાર મેં આવો કૂકડો જોયો છે.’
ADVERTISEMENT
મહત્ત્વની વાત એ છે કે આ કૂકડો સંપૂર્ણ રીતે વિકસિત છે. એના ચારેય પગ અને પંજા અલગ છે. આ કૂકડાને જાનવરોના સ્પેશ્યલિસ્ટ ડૉક્ટરને દેખાડ્યો ત્યારે તેમણે પણ સ્વીકાર્યું હતું કે તેમની કારકિર્દીમાં તેમણે પણ આવો કૂકડો પહેલી વાર જોયો હતો. જોકે આ એક જન્મજાત ફિઝિકલ કન્ડિશન છે એવું ડૉક્ટરે કહ્યું હતું.
