બૅન્કની ઉપરના ક્વૉર્ટરમાં જ રહેતી મહિલા મૅનેજર તેના પતિને લઈને ATM પર પહોંચી ગઈ
તસવીર સૌજન્યઃ સોશ્યલ મીડિયા
રાજસ્થાનના નાગૌરમાં મોડી રાતે બે ચોરો સોમવારે રાતે એક ATMમાં ચોરી કરવાના ઇરાદે ઘૂસ્યા. ચોરો મશીન સાથે છેડછાડ કરવા ગયા એટલે તરત જ ઈ-સર્વેલન્સ સિસ્ટમે બૅન્કની બ્રાન્ચ મૅનેજરને અલર્ટ પહોંચાડી દીધું. બૅન્કની ઉપરના ક્વૉર્ટરમાં જ રહેતી મહિલા મૅનેજર તેના પતિને લઈને ATM પર પહોંચી ગઈ. જોયું તો અંદર બે યુવાનો ATM સાથે ચેડાં કરી રહ્યા છે. જાતે વિરોધ કરીને તેમને ભાગવાનો અવસર આપવાને બદલે સમયસૂચકતા વાપરીને મૅનેજરે ATMને લૉક કરીને શટર પાડી દીધું. એ પછી પોલીસને જાણ કરી. પોલીસ આવી ત્યારે શટર ખોલીને બન્ને ચોરોને રંગેહાથ પકડી લેવામાં આવ્યા.
