આ અનોખા નિયમને કારણે ટૂરિસ્ટોમાં આ બાર ખૂબ ફેમસ થઈ ગયો છે.
બિઅર પીવા જાઓ તો આ બારમાં જૂતું ગિરવી રાખવું પડે છે
બેલ્જિયમના ગૅન્ટ શહેરમાં એક એવો બાર છે જ્યાં બિઅર પીવા જતા હો તો કસ્ટમરે પોતાનું એક જૂતું બારના કાઉન્ટર પર જમા કરાવી દેવું પડે છે. એ જૂતું છત પર લટકતી ટોકરીમાં મૂકી દેવામાં આવે છે. ડુલ્લે ગ્રિએટ નામના આ બારમાં બિઅર ક્વાક નામના એક ખાસ ગ્લાસમાં સર્વ કરવામાં આવે છે. આ ગ્લાસનો બેઝ ગોળ હોય છે એટલે એને ખાસ લાકડાના સ્ટૅન્ડ પર ગોઠવવો પડે છે. જો આ ગ્લાસ સીધો ટેબલ પર મૂકો તો એ ઢળી પડે છે અને જો ગ્લાસ હાથથી છૂટી જાય તો નુકસાન થઈ શકે છે. આ ગ્લાસ ખૂબ મોંઘો છે. એક ગ્લાસની કિંમત ૧૦,૦૦૦ રૂપિયા જેટલી હોય છે. જે કસ્ટમર ૧.૨ લીટર બિઅર પીધા પછી એ ગ્લાસ સહીસલામત પાછો જમા કરાવે છે તેને જ તેનું ગિરવી મૂકેલું જૂતું પાછું મળે છે. આ અનોખા નિયમને કારણે ટૂરિસ્ટોમાં આ બાર ખૂબ ફેમસ થઈ ગયો છે.
