સેન્ટ જૉઇલ્સ રોડ પર વચ્ચોવચ અન્ડરગ્રાઉન્ડમાં બનેલી છે
આ વિચિત્ર હોટેલનું નામ છે ધ નેટ્ટી
બ્રિટનના ઑક્સફર્ડમાં ૧૦૦ વર્ષ જૂના એક પબ્લિક ટૉઇલેટને લક્ઝરી હોટેલમાં બદલી નાખવામાં આવ્યું છે. આ વિચિત્ર હોટેલનું નામ છે ધ નેટ્ટી. આ હોટેલની જગ્યા પણ યુનિક છે. એ સેન્ટ જૉઇલ્સ રોડ પર વચ્ચોવચ અન્ડરગ્રાઉન્ડમાં બનેલી છે. આ હોટેલમાં માત્ર બે જ રૂમ છે અને એનું ભાડું એક રાતના ૧૮,૦૦૦ રૂપિયાથી શરૂ થાય છે. જેમ વિદેશોમાં ઘર ભાડે આપતી વખતે કોઈ રિસેપ્શન કે રૂમ-સર્વિસ નથી હોતી એમ આ હોટેલમાં પણ સેલ્ફ ચેક-ઇન કરવાનું રહે છે. મહેમાનોને કોડ આપી દેવામાં આવે છે જેના આધારે તેમણે જાતે હોટેલનો રૂમ ખોલીને રહેવાનું હોય છે. કંઈક ગરબડ થાય તો હેલ્પલાઇન નંબર આપેલો છે.
