૮૫માં કોલા કંપનીમાં કામ કરતા એક પાડોશીએ ચેરી કોકનું સૅમ્પલ મોકલ્યું હતું. એ તેમને એટલું ભાવ્યું કે તેમણે ૧૯૮૬માં ચેરી કોકને બર્કશર હૅથવે કંપનીની મીટિંગોનું સત્તાવાર પીણું ઘોષિત કરી દીધું હતું.
વૉરેન બફેટ
દુનિયાના સૌથી અમીર ઇન્વેસ્ટર અને બર્કશર હૅથવેના ભૂતપૂર્વ CEO વૉરેન બફેટ પાસેથી અનેક લોકો ઇન્વેસ્ટમેન્ટના પાઠ શીખ્યા હશે. જોકે તાજેતરમાં તેમની જિંદગીની એક અચરજ પમાડે એવી આદતનો ખુલાસો થયો છે. હેજ ફન્ડ મૅનેજર બિલ ઍકમૅને ગયા અઠવાડિયે એક પૉડકાસ્ટ દરમ્યાન વૉરેન બફેટનું આ રહસ્ય ખોલ્યું છે. તેમણે કહ્યું હતું, ‘મેં એક વાર તેમને ડિનર પર ઇન્વાઇટ કર્યા હતા. તેમને મેં સાદું પાણી અને સ્પાર્કલિંગ વૉટર ઑફર કર્યું તો તેમણે મને કહેલું બિલ, મેં ૪૮ વર્ષથી પાણી પીધું જ નથી.’
આવું માત્ર બિલ ઍકમૅનનું જ કહેવું નથી. વૉરેન બફેટની દીકરી સુઝીએ પણ એક ડૉક્યુમેન્ટરીમાં આ વાતનો ઉલ્લેખ કર્યો છે. તેઓ પાણી નથી પીતા તો શું પીને જીવે છે? આ વાતનો ખુલાસો પણ ડૉક્યુમેન્ટરીમાં થયેલો છે. તેઓ રોજ પાંચ કૅન કોકા કોલા પીએ છે. તેમને ચેરી કોક વધુ પસંદ છે. વૉરેન બફેટ મજાકમાં કહેતા હોય છે કે ‘મારું શરીર પાણીથી નહીં, કોકા કોલાથી બન્યું છે કેમ કે રોજની ૨૭૦૦ કૅલરીમાંથી ૨૫ ટકા કૅલરી તો આ ડ્રિન્કમાંથી જ આવે છે.’
ADVERTISEMENT
કહેવાય છે કે વૉરેન બફેટ ૧૯૮૦ના દાયકા પહેલાં પેપ્સી પીતા હતા એને કારણે તેમનો દીકરો તેમને ‘પેપ્સી વૉરેન’ કહીને બોલાવતો હતો, જોકે ૧૯૮૫માં કોલા કંપનીમાં કામ કરતા એક પાડોશીએ ચેરી કોકનું સૅમ્પલ મોકલ્યું હતું. એ તેમને એટલું ભાવ્યું કે તેમણે ૧૯૮૬માં ચેરી કોકને બર્કશર હૅથવે કંપનીની મીટિંગોનું સત્તાવાર પીણું ઘોષિત કરી દીધું હતું. એ પછી ૧૯૮૮થી તેમણે કોકા કોલા કંપનીમાં પણ મોટી માત્રામાં રોકાણ કર્યું હતું.
