આ પાછળનો તેનો આશય એ છે કે લોકો એ સમજે કે કોઈ પણ ચીજના દેખાવ પર ન જવું જોઈએ. આ માટે તેણે દુનિયાનાં અત્યંત ઝેરી મશરૂમ્સની પ્રજાતિઓને એકઠી કરી હતી અને એને નૅચરલી જ સુકાવા દીધી હતી. એ પછી એની ગોઠવણી એવી રીતે કરી જાણે જાયન્ટ મોટો ગોળાકાર પીત્ઝા બને.
કૉન્સેપ્ચ્યુઅલ આર્ટવર્ક
કેટલાક કળાત્મક નમૂનાઓના સુંદર અને રંગબેરંગી દેખાવ પર ઓવારી ન જવાય એ વાત આ સાથે મૂકવામાં આવેલી તસવીર જોઈને યાદ રાખવા જેવું છે. અત્યંત મનમોહક રંગોનું મૅસ્મરાઇઝિંગ આર્ટવર્ક જેટલું સુંદર છે એટલું જ ઘાતક છે, કેમ કે એમાં જે અલગ-અલગ આકાર અને રંગોનાં મશરૂમ વપરાયાં છે એ વિશ્વનાં સૌથી ઝેરી મશરૂમ્સ છે. ઓસ્માન ડિન્ચ નામના આર્ટિસ્ટે આ કૉન્સેપ્ચ્યુઅલ આર્ટવર્ક તૈયાર કર્યું છે. આ પાછળનો તેનો આશય એ છે કે લોકો એ સમજે કે કોઈ પણ ચીજના દેખાવ પર ન જવું જોઈએ. આ માટે તેણે દુનિયાનાં અત્યંત ઝેરી મશરૂમ્સની પ્રજાતિઓને એકઠી કરી હતી અને એને નૅચરલી જ સુકાવા દીધી હતી. એ પછી એની ગોઠવણી એવી રીતે કરી જાણે જાયન્ટ મોટો ગોળાકાર પીત્ઝા બને. ઓસ્માને આ આર્ટવર્કને પીત્ઝા વાનગી તરીકે રજૂ કર્યું છે. લોકો એ સુંદર કળાત્મક પીસ જોઈને મોહી પડે છે, પરંતુ જેવા નજીક જાય અને એમાં વપરાયેલાં મશરૂમ્સ કેટલાં ઘાતક છે એ જાણીને ડરી જાય છે. ઓસ્માનનું કહેવું છે કે આમાં એટલાં ઝેરી મશરૂમ્સ વપરાયાં છે જેને માત્ર જીભ પર લગાવવાથી પણ માણસનું મૃત્યુ થઈ શકે છે.
