ફાસ્ટ બોલર પૅટ કમિન્સ અને જોશ હેઝલવુડ હજી અનુક્રમે પીઠ તથા હૅમસ્ટ્રિંગની ઇન્જરીમાંથી ફિટ ન થયા હોવાથી ટીમમાં સ્થાન મેળવી શક્યા નથી.
પૅટ કમિન્સ-જોશ હેઝલવુડ
ઇંગ્લૅન્ડ સામેની ઍશિઝ ટેસ્ટ-સિરીઝની બીજી ટેસ્ટ-મૅચ માટે ઑસ્ટ્રેલિયાએ પહેલી મૅચની ૧૪ સભ્યોની સ્ક્વૉડ જાળવી રાખવાની જાહેરાત કરી હતી. ફાસ્ટ બોલર પૅટ કમિન્સ અને જોશ હેઝલવુડ હજી અનુક્રમે પીઠ તથા હૅમસ્ટ્રિંગની ઇન્જરીમાંથી ફિટ ન થયા હોવાથી ટીમમાં સ્થાન મેળવી શક્યા નથી. સ્ટાર બૅટર સ્ટીવ સ્મિથ રેગ્યુલર કૅપ્ટન પૅટ કમિન્સની ગેરહાજરીમાં બીજી મૅચમાં પણ કાંગારૂ ટીમ માટે કૅપ્ટન્સી કરશે.
ઓપનર ઉસ્માન ખ્વાજા પણ પીઠના દુખાવાના કારણે બીજી ટેસ્ટ-મૅચમાં રમવા માટે શંકા હેઠળ હોવા છતાં તેને સ્ક્વૉડમાં સ્થાન મળ્યું છે. બીજી ટેસ્ટ-મૅચ પહેલાં જો તે ફિટ નહીં થાય તો ઑલરાઉન્ડર બો વેબ્સ્ટર અને બૅકઅપ બૅટ્સમૅન જોશ ઇંગ્લિસ જેવા અન્ય વિકલ્પો પર વિચાર કરવામાં આવશે. યજમાન ઑસ્ટ્રેલિયન ટીમ પાંચ મૅચની
ટેસ્ટ-સિરીઝમાં ૧-૦થી આગળ છે.
કૅનબેરામાં આજથી પ્રાઇમ મિનિસ્ટર્સ ઇલેવન અને ઇંગ્લૅન્ડ લાયન્સની ટક્કર
ઍશિઝ ટેસ્ટ-સિરીઝના રોમાંચ વચ્ચે આજથી ઑસ્ટ્રેલિયાની રાજધાની કૅનબેરામાં પ્રાઇમ મિનિસ્ટર્સ ઇલેવન અને ઇંગ્લૅન્ડ લાયન્સની ટક્કર થશે. આ બેદિવસીય મૅચ પિન્ક બૉલથી રમાશે જેને બ્રિસબેનમાં આયોજિત ડે-નાઇટ ટેસ્ટ-મૅચની પ્રૅક્ટિસ માટે આયોજિત કરવામાં આવી છે.
આ મૅચમાં બન્ને ટીમના યંગ પ્લેયર્સ જ રમતા જોવા મળશે. ઇંગ્લૅન્ડના અનુભવી ક્રિકેટર્સ જો રૂટ, બેન સ્ટોક્સ, બેન ડકેટ, ઑલી પોપ અને હૅરી બ્રૂકે આ મૅચમાં ભાગ ન લઈને ઑસ્ટ્રેલિયાની પરિસ્થિતિમાં વધુ અનુકૂળ થવાની તક ગુમાવી છે.
