° °

આજનું ઇ-પેપર
Thursday, 28 October, 2021


ચેન્નઈને ડર ચેન્નઈકર ચક્રવર્તીનો

26 September, 2021 03:39 PM IST | Mumbai | Agency

કલકત્તાના મિસ્ટરી સ્પિનરે યુએઈમાં ગઈ સીઝનની બન્ને મૅચમાં ધોનીસેનાને બરાબરની પજવી હતી અને હાલમાં મુંબઈ અને બૅન્ગલોર સામેની જીતમાં તેણે કમાલ કરી હતી

ચેન્નઈને ડર ચેન્નઈકર ચક્રવર્તીનો

ચેન્નઈને ડર ચેન્નઈકર ચક્રવર્તીનો

અબુ ધાબીમાં આજના દિવસનો પહેલો મુકાબલો બે ભૂતપૂર્વ ચૅમ્પિયનો ચેન્નઈ સુપર કિંગ્સ અને કલકત્તા નાઇટ રાઇડર્સ વચ્ચે જામવાનો છે. બન્ને ટીમ ૧૪મી સીઝનના આ બીજા હાફમાં અપરાજિત છે. બન્નેએ ચૅમ્પિયન મુંબઈ અને બૅન્ગલોર જેવી મજબૂત ટીમને હરાવીને ટૉપ ફોરમાં સ્થાન મજૂબત કરી લીધું છે. ગઈ સીઝનમાં પહેલી વાર પ્લેઑફમાં ન પહોંચવાની નામોશીને ખંખેરીને ચેન્નઈએ આ સીઝનની શાનદાર શરૂઆત કરી છે અને પહેલેથી જ ટૉપ-ટૂમાં રહી છે. ચેન્નઈએ બીજા હાફમાં પણ એ જ ફૉર્મ જાળવી રાખ્યું છે. જ્યારે કલકત્તાનો પહેલા હાફમાં પર્ફોર્મન્સ અસાતત્યભર્યો હતો, પણ યુએઈમાં બન્ને મૅચ જીતીને ટૉપ ફોરમાં એન્ટ્રી કરી લીધી છે. 
કલકત્તાની આ બન્ને જીતના હીરો તેમના કૅપ્ટન ઇયોન મૉર્ગને કહ્યું હતું એમ તેમના બોલરો જ છે. કલકત્તાએ પહેલી મૅચમાં બૅન્ગલોર જેવી વિરાટ કોહલી, એ. બી. ડિવિલિયર્સ, ગ્લેન મૅક્સવેલ, દેવદત્ત પડિક્કલ જેવા ખેલાડી ધરાવતી ટીમને માત્ર ૯૨ રનમાં રોકી દીધી હતી અને ત્યાર બાદ મુંબઈ જેવી ચૅમ્પિયન ટીમને ૧૫૫ રન જ બનાવવા દીધા હતા. કલકત્તાની પહેલી મૅચનો હીરો હતો વરુણ ચક્રવર્તી અને બીજી જીતનો હીરો હતો સુનીલ નારાયણ. આ કલકત્તાના સ્પિનરો યોગ્ય સમયે લયમાં આવી ગયા છે અને ટીમને જીત અપાવી રહ્યા છે. આજે ચેન્નઈને સૌથી વધુ ડર ચેન્નઈના જ મિસ્ટરી સ્પિનર ચક્રવર્તીનો હશે. ટી૨૦ વર્લ્ડ કપમાં પ્રવેશથી ભારે કૉન્ફિડન્ટ જણાતા ચક્રવર્તીના એક્સ્ટ્રા બાઉન્સ અને અનપ્રીડિક્ટેબલ એન્જલ સામે ચેન્નઈના બૅટ્સમેનો કેવી રીતે મુકાબલો કરે છે એના પર જ મોટા ભાગે આજની મૅચનું પરિણામ આધારિત હશે. ગઈ સીઝનમાં પણ બન્ને મૅચમાં ચક્રવર્તીએ ચેન્નઈના બૅટર્સને બરાબરના પજવ્યા હતા. 
ઐયરથી પણ ડરવું પડશે
ચક્રવર્તી ઉપરાંત મધ્ય પ્રદેશના તામિલબૉય વેન્કટેશ ઐયરના ફૉર્મને જોતાં ચેન્નઈએ તેને માટે ખાસ પ્લાન ઘડવો પડશે. લેફ્ટી ઐયર બન્ને મૅચમાં ટીમને મજબૂત શરૂઆત અપાવીને ટીમનો નવો સ્ટાર બની ગયો છે. ઐયરે બે મૅચમાં ૧૬૫ના સ્ટ્રાઇક-રેટથી ૯૪ રન બનાવ્યા છે. 
ગાયકવાડ-બ્રાવો ઑન ટૉપ
ચેન્નઈએ આ સીઝનમાં શાનદાર કમબૅક કર્યું છે જેમાં મોટો ફાળો યુવા ઓપનર ઋતુરાજ ગાયકવાડ (૩૨૨ રન), પેસ બોલર દીપક ચાહર (૧૧ વિકેટ) અને ઑલરાઉન્ડર ડ્વેઇન બ્રાવો (૪૩ની ઍવરેજથી ૪૩ રન અને ૯ વિકેટ)નો મોટો ફાળો છે. રવીન્દ્ર જાડેજા પણ જરૂર પડ્યે ત્રણેય ડિપાર્ટમેન્ટમાં કમાલ કરે દે છે. ફૅફ ડુ પ્લેસિસે આ સીઝનમાં ટીમ વતી હાઇએસ્ટ ૩૫૧ રન બનાવ્યા છે. 
આમને-સામને
બન્ને વચ્ચે અત્યાર સુધી ૨૪ જંગ થયા છે જેમાંથી ચેન્નઈ ૧૫ જીત્યું છે અને કલકત્તા ૮, જ્યારે એક મુકાબલાનું કોઈ પરિણામ નહોતું આવી શક્યું. છેલ્લામાં પાંચ મુકાબલામાં ચેન્નઈએ ચાર જીતીને તેમનો દબદબો જાળવી રાખ્યો છે. આ સીઝનમાં મુંબઈમાં જામેલા બન્ને વચ્ચેના જંગમાં ઍન્દ્રે રસેલ અને પૅટ કમિન્સની અફલાતૂન ફટકાબાજી છતાં ૨૨૧ના ટાર્ગેટને ચેઝ કરતાં ૧૯.૧ ઓવરમાં ૨૦૨ રનમાં ઑલઆઉટ થઈ ગયું હતું અને ૧૮ રનથી હાર જોવી પડી હતી.

ધોની-રૈના વિજેતા જોડી
બૅન્ગલોર સામે ચેન્નઈ જીત્યું ત્યારે ખાસ મિત્રો ધોની અને રૈના અણનમ રહ્યા હતા. ચેઝ વખતે આવું ચોથી વાર બન્યું હતું. આઇપીએલમાં જોકે આ બાબતે રેકૉર્ડ ડ્વેઇન બ્રાવો અને રવીન્દ્ર જાડેજા (છ વાર, ચાર વાર ચેન્નઈ, બે વાર ગુજરાત લાયન્સ)ના નામે છે. 

26 September, 2021 03:39 PM IST | Mumbai | Agency

અન્ય લેખો

ક્રિકેટ

જે પૂછવું હોય તે જલદી પૂછી લો, મારું અંગ્રેજી પાંચ મિનિટમાં પૂરું થઈ જશે, ભાઈ!

પ્રેસ કોન્ફરન્સમાં અફઘાનિસ્તાન ટીમના કેપ્ટન મોહમ્મદ નબીએ આપ્યું એવું નિવેદન કે લોકો હસીને લોટપોટ થઈ ગયા.

27 October, 2021 07:39 IST | Mumbai | Gujarati Mid-day Online Correspondent
ક્રિકેટ

નવી IPL ટીમની જાહેરાત બાદ સૌરવ ગાંગુલીને કેમ આપવું પડ્યું રાજીનામુ, જાણો અહીં...

બીસીસીઆઇ અધ્યક્ષ સૌરવ ગાંગુલીએ ATK Mohun Baganના પદ પરથી રાજીનામુ આપી દીધું છે. તેમણે આની પાછળના કારણો પણ જણાવ્યા છે. 

27 October, 2021 07:54 IST | Mumbai | Gujarati Mid-day Online Correspondent
ક્રિકેટ

જ્યારે શૉ દરમિયાન એન્કરે શોએબ અખ્તર સાથે કરી ગેરવર્તણૂક,  જુઓ વીડિયો

મંગળવારે T20 વર્લ્ડ કપમાં પાકિસ્તાનની ન્યૂઝીલેન્ડ સામે પાંચ વિકેટની જીત બાદ ઈવેન્ટના હોસ્ટે તેની સાથે ખરાબ વર્તન કર્યું અને તેનું અપમાન કર્યું.

27 October, 2021 05:12 IST | mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK