ક્રિકેટ ઑસ્ટ્રેલિયાએ ગઈ કાલે મેન્સ ક્રિકેટ ટીમના હેડ કોચ ઍન્ડ્રૹુ મૅક્ડોનાલ્ડનો કાર્યકાળ ૨૦૨૭ સુધી લંબાવવાની જાહેરાત કરી હતી જેનો અર્થ એ છે કે તેઓ સાઉથ આફ્રિકામાં આયોજિત વન-ડે વર્લ્ડ કપ સુધી આ પદ પર રહેશે
ઍન્ડ્રૹુ મૅક્ડોનાલ્ડ
ક્રિકેટ ઑસ્ટ્રેલિયાએ ગઈ કાલે મેન્સ ક્રિકેટ ટીમના હેડ કોચ ઍન્ડ્રૹુ મૅક્ડોનાલ્ડનો કાર્યકાળ ૨૦૨૭ સુધી લંબાવવાની જાહેરાત કરી હતી જેનો અર્થ એ છે કે તેઓ સાઉથ આફ્રિકામાં આયોજિત વન-ડે વર્લ્ડ કપ સુધી આ પદ પર રહેશે. મૅક્ડોનાલ્ડે ૨૦૨૨ની શરૂઆતમાં જસ્ટિન લૅન્ગરની જગ્યાએ આ પદ સંભાળ્યું હતું. ભૂતપૂર્વ ઑસ્ટ્રેલિયન ઑલરાઉન્ડર મૅક્ડોનાલ્ડનો કાર્યકાળ પહેલાં ૨૦૨૬ના મધ્ય સુધીનો જ હતો.
કોચ તરીકેના તેમના કાર્યકાળ દરમ્યાન ઑસ્ટ્રેલિયાની ટીમ વર્લ્ડ ટેસ્ટ ચૅમ્પિયનશિપ અને વન-ડે વર્લ્ડ કપમાં ચૅમ્પિયન બની હતી. આ સિવાય તેના કોચિંગ હેઠળ ઇંગ્લૅન્ડમાં ઍશિઝ પણ જાળવી રાખી હતી. જોકે T20 વર્લ્ડ કપ જીતવામાં ટીમ નિષ્ફળ રહી હતી.
