અમેરિકાની મેજર લીગ ક્રિકેટ (MLC)ની પહેલી ડબલ હૅટ-ટ્રિક એટલે કે ૪ બૉલમાં ૪ વિકેટ છેક હવે ચોથી સીઝનમાં જોવા મળી છે. શ્રીલંકાના ફાસ્ટ બોલિંગ ઑલરાઉન્ડર દાસુન શનાકાએ અંતિમ ઓવરના છેલ્લા ૪ બૉલ પર ૪ વિકેટ લઈને ઇતિહાસ રચ્યો હતો.
દાસુન શનાકાના નામે MLCની પહેલી ડબલ હૅટ-ટ્રિક થઈ
અમેરિકાની મેજર લીગ ક્રિકેટ (MLC)ની પહેલી ડબલ હૅટ-ટ્રિક એટલે કે ૪ બૉલમાં ૪ વિકેટ છેક હવે ચોથી સીઝનમાં જોવા મળી છે. શ્રીલંકાના ફાસ્ટ બોલિંગ ઑલરાઉન્ડર દાસુન શનાકાએ અંતિમ ઓવરના છેલ્લા ૪ બૉલ પર ૪ વિકેટ લઈને ઇતિહાસ રચ્યો હતો.
સીએટલ ઓર્કાસે ૨૧૨ રનનો ટાર્ગેટ ટેક્સસ સુપર કિંગ્સને આપ્યો હતો. ૧૯મી ઓવર સુધી ટેક્સસ સુપર કિંગ્સે પાંચ વિકેટે ૧૯૭ રન કર્યા હતા અને જીત માટે ૧૫ રનની જરૂર હતી. દાસુન શનાકાની અંતિમ ઓવરની પહેલા બે બૉલ પર શુભમ રંજનેએ ફોર ફટકાર્યા બાદ એક રન લીધો હતો.
છેલ્લા ૪ બૉલમાં ૧૦ રનની જરૂર હતી ત્યારે દાસુન શનાકાએ ડોનોવન ફરેરાને બોલ્ડ અને પછીના ત્રણ બૅટરને કૅચઆઉટ કરાવીને ટીમને ૯ રને જીત અપાવી હતી. ૪ ઓવરમાં ૨૬ રન આપીને ૪ વિકેટ લેનાર દાસુન શનાકા પ્લેયર ઑફ ધ મૅચ બન્યો હતો.
