ક્રિકેટ બોર્ડે વિમેન્સ વર્લ્ડ કપ વિજેતા ભારતીય મહિલા ક્રિકેટ ટીમની આગામી સિરીઝની જાહેરાત કરી છે. ઘરઆંગણે બંગલાદેશ સાથે લિમિટેડ ઓવર્સની સિરીઝ યોજવા વિશેની યોજના મોકૂફ રાખ્યા બાદ શ્રીલંકા સાથે પાંચ T20 મૅચની સિરીઝનું આયોજન કરવામાં આવ્યું છે.
હરમનપ્રીત કૌર
ક્રિકેટ બોર્ડે વિમેન્સ વર્લ્ડ કપ વિજેતા ભારતીય મહિલા ક્રિકેટ ટીમની આગામી સિરીઝની જાહેરાત કરી છે. ઘરઆંગણે બંગલાદેશ સાથે લિમિટેડ ઓવર્સની સિરીઝ યોજવા વિશેની યોજના મોકૂફ રાખ્યા બાદ શ્રીલંકા સાથે પાંચ T20 મૅચની સિરીઝનું આયોજન કરવામાં આવ્યું છે. આ સિરીઝ બાદ નવા વર્ષની શરૂઆતમાં ભારતીય પ્લેયર્સ વિમેન્સ પ્રીમિયર લીગ રમશે અને ફેબ્રુઆરીમાં ઑસ્ટ્રેલિયાની મલ્ટિ-ફૉર્મેટ ટૂર પર જશે.
ભારત અને શ્રીલંકા વચ્ચે આગામી ૨૧થી ૩૦ ડિસેમ્બર વચ્ચે પાંચ T20 મૅચની રોમાંચક સિરીઝ રમાશે. પહેલી બે મૅચ આંધ્ર પ્રદેશના વિશાખાપટનમ અને અંતિમ ત્રણ મૅચ કેરલાના તિરુવનંતપુરમમાં રમાડવાની યોજના છે. નવી મુંબઈમાં પહેલી વખત વન-ડે વર્લ્ડ કપ જીત્યા બાદ હરમનપ્રીત કૌર ઍન્ડ કંપની શ્રીલંકા સામેની સિરીઝથી મેદાન પર વાપસી કરશે.
