ચેન્નઈ મૉલદીવ્ઝની નજીક છે, હું તેમની ટીમનો મેન્ટર બનવા તૈયાર છું : કૉમેન્ટેટર કેવિન પીટરસન

IPL 2025માં કેવિન પીટરસન દિલ્હી કૅપિટલ્સનો બૅટિંગ-મેન્ટર હતો

કૉમેન્ટેટર કેવિન પીટરસન

ઇંગ્લૅન્ડના ભૂતપૂર્વ ક્રિકેટર કેવિન પીટરસને હાલમાં સોશ્યલ મીડિયા પ્લૅટફૉર્મ X પર એક રસપ્રદ વાત લખી હતી. એક ક્રિકેટફૅને X પર ચેન્નઈ સુપર કિંગ્સને વિનંતી કરી હતી કે IPL કૉમેન્ટેટર કેવિન પીટરસનને મેન્ટર બનાવો.  

આ પોસ્ટનો જવાબ આપતાં ૪૫ વર્ષના કેવિન પીટરસને લખ્યું હતું કે ‘હા, પ્લીઝ. ચેન્નઈ મૉલદીવ્ઝની નજીક છે, મારા માટે મુસાફરી કરવી સરળ બનશે.’

ADVERTISEMENT

IPL 2025માં કેવિન પીટરસન દિલ્હી કૅપિટલ્સનો બૅટિંગ-મેન્ટર હતો. જોકે અધવચ્ચે સીઝનની જવાબદારી છોડીને મૉલદીવ્ઝમાં વેકેશન માણવા ગયો હોવાથી પીટરસન વિશે ભારે ચર્ચા થઈ હતી.