કોચ દ્વારા પ્લેયરના જાહેરમાં અપમાન પર પ્રતિબંધ, ટીમ-બસમાં લેટ આવનાર પાસે હજાર રૂપિયા દંડ
ફાઇલ તસવીર
ઈશાન કિશને છેલ્લા કેટલાક મહિનાઓમાં શિસ્ત અને સિદ્ધાંતો સાથે કામ કરીને ઝારખંડને સૈયદ મુશ્તાક અલી ટ્રોફી જિતાડી ટીમ ઇન્ડિયામાં લગભગ બે વર્ષ બાદ કમબૅક કર્યું હતું. ઝારખંડના સહાયક કોચ સની ગુપ્તાએ કૅપ્ટન ઈશાન કિશન દ્વારા ટીમ માટે બનાવવામાં આવેલા નિયમો વિશે રસપ્રદ ખુલાસો કર્યો છે.
ઈશાને ઝારખંડના કૅપ્ટન બન્યા બાદ ડ્રેસિંગ રૂમમાં કોઈ નકારાત્મક વાત ન કરવાનો નિયમ બનાવ્યો હતો. ખેલાડીઓ પાસેથી ખરાબ દિવસ પછી પણ સકારાત્મક રહેવાની અપેક્ષા રાખવામાં આવતી હતી. કોઈ પણ ખેલાડીને કોચ દ્વારા જાહેરમાં ઠપકો આપવામાં આવશે એ નિયમનું પણ પાલન કરાવવામાં આવ્યું હતું. ઈશાન સ્પષ્ટ હતો કે ડ્રેસિંગ રૂમ જીત અને હારને ધ્યાનમાં લીધા વિના ખુશહાલ સ્થળ હોવું જોઈએ.
ADVERTISEMENT
ટીમ-બસમાં લેટ આવનાર ખેલાડી પાસે ૧૦૦૦ રૂપિયાનો દંડ વસૂલવામાં આવતો હતો. એના કારણે ઝારખંડના પ્લેયર્સમાં શિસ્ત જોવા મળી હતી. કલકત્તાની એક ઇવેન્ટમાં વ્યક્તિગત કારની વ્યવસ્થા હોવા છતાં ઈશાન કિશને બાકીના ખેલાડીઓ સાથે ઈ-રિક્ષામાં મુસાફરી કરવાનું પસંદ કર્યું હતું.
ઝારખંડને પહેલી વખત સૈયદ મુશ્તાક અલી ટ્રોફી ચૅમ્પિયન બનાવનાર ઈશાન કિશન IPL 2026ની શરૂઆતની મૅચોમાં સનરાઇઝર્સ હૈદરાબાદની કમાન સંભાળતો જોવા મળશે.
