Gujarati Mid-day
Happiest Places to Work

ઇ-પેપર

વેબસ્ટોરીઝ

વેબસ્ટોરીઝ


App banner App banner
હોમ > સ્પોર્ટ્સ સમાચાર > ક્રિકેટ > આર્ટિકલ્સ > હું ફરી કૅપ્ટન તરીકેની જવાબદારીનો આનંદ માણવા ઉત્સુક છું

હું ફરી કૅપ્ટન તરીકેની જવાબદારીનો આનંદ માણવા ઉત્સુક છું

Published : 30 November, 2025 03:47 PM | IST | Ranchi
Gujarati Mid-day Correspondent | feedbackgmd@mid-day.com

IPL ટુર્નામેન્ટમાંથી કૅપ્ટનપદની જવાબદારી છોડી દેનાર કે. એલ. રાહુલ હવે દેશનું નેતૃત્વ કરવા તૈયાર છે. ભારતના વન-ડે કૅપ્ટન શુભમન ગિલ અને વાઇસ-કૅપ્ટન શ્રેયસ ઐયર ઇન્જર્ડ હોવાથી સાઉથ આફ્રિકા સામેની વન-ડે સિરીઝમાં તે સ્ટૅન્ડ-ઇન કૅપ્ટન તરીકે કામ કરશે.

કે. એલ. રાહુલ

કે. એલ. રાહુલ


IPL ટુર્નામેન્ટમાંથી કૅપ્ટનપદની જવાબદારી છોડી દેનાર કે. એલ. રાહુલ હવે દેશનું નેતૃત્વ કરવા તૈયાર છે. ભારતના વન-ડે કૅપ્ટન શુભમન ગિલ અને વાઇસ-કૅપ્ટન શ્રેયસ ઐયર ઇન્જર્ડ હોવાથી સાઉથ આફ્રિકા સામેની વન-ડે સિરીઝમાં તે સ્ટૅન્ડ-ઇન કૅપ્ટન તરીકે કામ કરશે.

રાહુલ કહે છે, ‘સ્ક્વૉડ જાહેર થયાના એક દિવસ પહેલાં મને કહેવામાં આવ્યું હતું કે તારે આ સિરીઝમાં કૅપ્ટન્સી કરવાની છે. મેં પહેલાં પણ ટીમનું નેતૃત્વ કર્યું છે. એ ખૂબ જ રોમાંચક હતું. હું એ જવાબદારીનો આનંદ માણવા ઉત્સુક છું. મને હંમેશાં જવાબદારી ગમે છે. ટીમ માટે યોગ્ય નિર્ણય લેવા મહત્ત્વના છે.’

સિનિયર પ્લેયર્સના યોગદાન વિશે વાત કરતાં રાહુલે કહ્યું હતું કે ‘મારી આસપાસ રોહિત શર્મા, વિરાટ કોહલી, રવીન્દ્ર જાડેજા છે. એ બધા વરિષ્ઠ ખેલાડીઓ છે જે સિરીઝમાં મને મદદ કરશે. અમે બધા અમારું ક્રિકેટ એવી રીતે રમીએ છીએ જાણે અમે ટીમના નેતા હોઈએ અને ટીમ માટે શ્રેષ્ઠ કરવાનો પ્રયાસ કરીએ છીએ. આ કામ ચાલતું રહે છે, પછી ભલે હું કૅપ્ટન હોઉં કે બીજો કોઈ કૅપ્ટન હોય. મોટા લક્ષ્ય માટે આ અમારો સામૂહિક પ્રયાસ હોય છે.’

ભારત માટે કે. એલ. રાહુલનો કૅપ્ટન્સી રેકૉર્ડ કેવો રહ્યો છે? 
વિકેટકીપર-બૅટર કે. એલ. રાહુલ ભારત માટે ત્રણેય ફૉર્મેટમાં કૅપ્ટન્સી કરી ચૂક્યો છે. ૨૦૨૨-’૨૩ વચ્ચે તેણે ત્રણ ટેસ્ટ-મૅચ, ૧૨ વન-ડે અને એક T20 મૅચમાં ભારતનું નેતૃત્વ કર્યું હતું. તેની કૅપ્ટન્સીમાં ભારતને ત્રણ ટેસ્ટ-મૅચમાં બેમાં જીત અને એકમાં હાર મળી છે જ્યારે એકમાત્ર T20માં વિજય થયો હતો. તેના નેતૃત્વમાં ભારત ૧૨ વન-ડેમાંથી ૮ મૅચ જીત્યું છે અને ચાર મૅચ હાર્યા છીએ.


Whatsapp-channel Whatsapp-channel

30 November, 2025 03:47 PM IST | Ranchi | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK