હાર પછી પોતાના ખેલાડીઓની ભૂલ સ્વીકારવાને બદલે પાકિસ્તાન ક્રિકેટ બોર્ડ (PCB) અને પાકિસ્તાની ખેલાડી, ભારતીય ટીમ અને મેનેજમેન્ટને ગાળો આપવા માંડ્યા. પાકિસ્તાન માટે આંતરરાષ્ટ્રીય સ્તરે 17000થી વધારે રન્સ ફટકારનાર મોહમ્મદ યુસૂફ પર અપશબ્દો પર ઉતરી આવ્યા.
તસવીર સૌજન્ય મિડ-ડે
હાર પછી પોતાના ખેલાડીઓની ભૂલ સ્વીકારવાને બદલે પાકિસ્તાન ક્રિકેટ બોર્ડ (PCB) અને પાકિસ્તાની ખેલાડી, ભારતીય ટીમ અને મેનેજમેન્ટને ગાળો આપવા માંડ્યા. પાકિસ્તાન માટે આંતરરાષ્ટ્રીય સ્તરે 17000થી વધારે રન્સ ફટકારનાર મોહમ્મદ યુસૂફ પર અપશબ્દો પર ઉતરી આવ્યા.
એશિયા કપમાં ભારતના હાથે મળેલી કારમી પરાજય બાદ હચમચી ગયેલા પાકિસ્તાની ક્રિકેટરોની અવળી ભાષા હવે અપશબ્દો બોલવા સુધી પહોંચી ગઈ છે. પાકિસ્તાની ક્રિકેટ ટીમના પૂર્વ કૅપ્ટન મોહમ્મદ યૂસુફે ભારતીય ક્રિકેટ ટીમના કૅપ્ટન સૂર્યકુમાર યાદવ માટે ડુક્કર શબ્દનો ઉપયોગ કર્યો છે. મોહમ્મદ યૂસુફે એક પાકિસ્તાની ટીવી ચેનલ પર હાથ ન મિલાવવાના વિવાદ પર ચર્ચા દરમિયાન સૂર્યકુમાર યાદવને વારંવાર `ડુક્કર` કહ્યો. અહીં સુધી કે ટીવી એન્કર પણ દંગ રહી ગયો અને તેને વારંવાર કરેક્ટ કરવાનો પ્રયત્ન કર્યો, પણ યૂસુફ સતત સૂર્યકુમાર યાદવને ગાળો ભાંડતો રહ્યો.
ADVERTISEMENT
હારથી હતાશ થયેલા પાકિસ્તાનીઓ હવે આપવા માંડ્યા છે ગાળો
એશિયા કપ 2025 ના ગ્રુપ A મેચમાં ભારત સામે 7 વિકેટથી મળેલી કારમી હાર પાકિસ્તાન પચાવી શકતું નથી. મેચ પછી સૂર્યકુમાર યાદવે હાથ મિલાવવાનો ઇનકાર કરવાથી તેમના ઘા પર મીઠું ભભરાયું. પોતાના ખેલાડીઓની ભૂલો ગણવાને બદલે, પાકિસ્તાન ક્રિકેટ બોર્ડ (PCB) અને પાકિસ્તાની ખેલાડીઓએ ભારતીય ટીમ અને મેનેજમેન્ટને ગાળો આપવાનું શરૂ કર્યું. પાકિસ્તાન માટે આંતરરાષ્ટ્રીય સ્તરે 17,000 થી વધુ રન બનાવનારા મોહમ્મદ યુસુફે પણ અપશબ્દો બોલ્યા.
પાકિસ્તાનના સમા ટીવી પર એક ચર્ચા દરમિયાન, યુસુફે કહ્યું, "ભારત તેની ફિલ્મી દુનિયામાંથી બહાર આવી શકતું નથી. ભારત જે રીતે જીતવાનો પ્રયાસ કરી રહ્યું છે, અમ્પાયરોનો ઉપયોગ કરી રહ્યું છે, મેચ રેફરી દ્વારા પાકિસ્તાની ખેલાડીઓને હેરાન કરી રહ્યું છે તેના પર તેને શરમ આવવી જોઈએ. આ એક મોટી વાત છે." આ પછી, તેણે સૂર્યકુમાર યાદવને `ડુક્કર` કહેવાનું શરૂ કર્યું.
૧૯૯૮ થી ૨૦૧૦ દરમિયાન પાકિસ્તાન માટે ૨૮૮ વનડે, ૯૦ ટેસ્ટ અને ૩ ટી૨૦ આંતરરાષ્ટ્રીય મેચ રમનારા મોહમ્મદ યુસુફની આ ટિપ્પણીથી સોશિયલ મીડિયા યુઝર્સમાં રોષ ફેલાયો હતો.
પીસીબીએ ભારત-પાકિસ્તાન મેચના રેફરીને હટાવવાની કરી માગ
દરમિયાન, આઈસીસી સૂત્રોએ ખુલાસો કર્યો છે કે આંતરરાષ્ટ્રીય ક્રિકેટ પરિષદ (આઈસીસી) દુબઈમાં ભારત-પાકિસ્તાન એશિયા કપ મેચ પછી મેચ રેફરી એન્ડી પાયક્રોફ્ટને હટાવવાની પાકિસ્તાન ક્રિકેટ બોર્ડ (પીસીબી) ની માંગને નકારી શકે છે.
પીસીબીએ પાયક્રોફ્ટ સામે આઈસીસી આચાર સંહિતા અને ક્રિકેટની ભાવના સાથે સંબંધિત એમસીસી કાયદાઓનું ઉલ્લંઘન કરવાનો આરોપ લગાવીને ફરિયાદ દાખલ કરી હતી. દુબઈ ઇન્ટરનેશનલ ક્રિકેટ સ્ટેડિયમમાં મેચ પછી ટીમ ઈન્ડિયાએ પાકિસ્તાની ખેલાડીઓ સાથે હાથ મિલાવવાનો ઇનકાર કર્યા બાદ આ ફરિયાદ દાખલ કરવામાં આવી હતી.
મેચ પહેલા અને પછી કોઈ ભારતીય ખેલાડીએ પાકિસ્તાની ખેલાડીઓ સાથે હાથ મિલાવ્યો નહીં ત્યારે વિવાદ શરૂ થયો. આ નિર્ણયથી પાકિસ્તાની કેમ્પ ગુસ્સે ભરાયો હતો. ભારતના T20 કેપ્ટન સૂર્યકુમાર યાદવના જણાવ્યા અનુસાર, ટીમે ભારતીય ક્રિકેટ કંટ્રોલ બોર્ડ (BCCI) અને ભારત સરકાર સાથે પરામર્શ કરીને આ નિર્ણય લીધો છે.
જોકે, ICC સૂત્રોએ સંકેત આપ્યો છે કે PCBની વિનંતીને નકારી કાઢવામાં આવશે.
ભારત-પાકિસ્તાન મેચ રેફરીને એશિયા કપમાંથી દૂર કરવામાં આવશે નહીં - ICC સ્ત્રોત
ICCના એક સ્ત્રોતે ANI ને જણાવ્યું હતું કે, "પાકિસ્તાન ક્રિકેટ બોર્ડ (PCB) દ્વારા એન્ડી પાયક્રોફ્ટ (ભારત-પાકિસ્તાન મેચ રેફરી) ને દૂર કરવાની વિનંતીને સત્તાવાર રીતે નકારી કાઢવામાં આવશે. જો ICC તેમની માંગ સ્વીકારે છે, તો તે ખોટી મિસાલ સ્થાપિત કરશે. ICC દ્વારા PCBને જાણ કરવામાં આવશે. કોઈ સત્તાવાર નિવેદન અપેક્ષિત નથી."
ICC ટૂંક સમયમાં PCBને પોતાનું વલણ જણાવે તેવી અપેક્ષા છે, જોકે કોઈ જાહેર નિવેદન જારી કરવામાં આવશે નહીં.
