Dhoni was at the top of the list of individual taxpayers in the last financial year as well.
પ્રૅક્ટિસ-સેશનમાં ધોની
મહેન્દ્ર સિંહ ધોની IPL 2026માં ક્યારે રમશે એ સવાલ આખા ક્રિકેટજગતને મૂંઝવી રહ્યો છે. આ બધા વચ્ચે ચેન્નઈ સુપર કિંગ્સ સોશ્યલ મીડિયા પ્લૅટફૉર્મ પર ધોનીના પ્રૅક્ટિસ-સેશનના વિડિયો શૅર કરીને ક્રિકેટ-ફૅન્સની ઉત્સુકતામાં વધારો કરી રહ્યું છે. હાલમાં ચેપૉક સ્ટેડિયમમાં ધોની નેટ-સેશન દરમ્યાન બોલિંગ કરતો જોવા મળ્યો હતો. ચેન્નઈ હવે ૧૦ મે અને ૧૫ મેના રોજ બૅક-ટુ-બૅક મૅચ લખનઉ સામે રમશે. આ ટીમ હૈદરાબાદ સામે ૧૮ મે અને ગુજરાત સામે ૨૧ મેના દિવસે ટકરાશે.
ઝારખંડ અને બિહારમાં એમ.એસ. ધોની સૌથી મોટો કરદાતા
બિહાર-ઝારખંડના આવકવેરા વિભાગના મુખ્ય કમિશનરે પુષ્ટિ આપી છે કે ઝારખંડ અને બિહારમાં એમ.એસ. ધોની સૌથી મોટો વ્યક્તિગત કરદાતા છે. આવકવેરા વિભાગે ચૂકવેલા કરની ચોક્કસ રકમ જાહેર કરી નથી. આ વર્ષે આ બન્ને રાજ્યોમાં કુલ કરવસૂલાત આશરે ૨૦,૦૦૦ કરોડ રૂપિયા હતી. આમાંથી ઝારખંડનું યોગદાન આશરે ૧૨,૦૦૦ કરોડ રૂપિયા હતું. પાછલા નાણાકીય વર્ષમાં પણ ધોની વ્યક્તિગત કરદાતાઓની યાદીમાં ટોચ પર હતો.
