મુંબઈની ગુજરાતી જ્ઞાતિઓ માટેના ભવ્ય ક્રિકેટ જલસાની ૧૮મી સીઝન ૨૮ ફેબ્રુઆરીથી કાંદિવલીના પોઇસર જિમખાનામાં શરૂ થશે
‘મિડ-ડે કપ TEN10 2026’ ૨૮ ફેબ્રુઆરીથી શરૂ થશે
મુંબઈની ગુજરાતી જ્ઞાતિઓ માટે ‘મિડ-ડે’ દ્વારા દર વર્ષે યોજાતી ક્રિકેટ-સ્પર્ધાની ૧૮મી સીઝન ૨૮ ફેબ્રુઆરીથી શરૂ થશે. આ ભવ્ય ક્રિકેટ જલસા માટે રજિસ્ટ્રેશન કરાવવાનો છેલ્લો દિવસ રવિવાર, ૮ ફેબ્રુઆરી છે.
T20 ક્રિકેટની જેમ જ લેધરના બૉલથી રમાતી ૧૦-૧૦ ઓવરની આ એક્સાઇટિંગ ક્રિકેટ ઇવેન્ટે છેલ્લા દોઢ દાયકામાં મુંબઈના ગુજરાતીઓમાં અનેરું સ્થાન બનાવ્યું છે. આ સ્પર્ધા પાછી ક્યારે આવશે એની કાગડોળે રાહ જોવાતી હોય છે અને એ ઇન્તેજાર હવે વહેલી તકે પૂરો થવામાં છે.
ADVERTISEMENT
આ સ્પર્ધા છેલ્લાં ૭ વર્ષની જેમ આ વખતે પણ કાંદિવલી-વેસ્ટમાં આવેલા પોઇસર જિમખાના ગ્રાઉન્ડમાં રમાશે. એમાં ભાગ લેવા માગતી દરેક જ્ઞાતિએ પોતાના સમાજની કેન્દ્રીય એટલે મુખ્ય સંસ્થાના લેટરહેડ પર પ્રમુખ અથવા સેક્રેટરીની સહી તથા કૉન્ટૅક્ટ-નંબર સાથે અરજી કરવાની હોય છે. એથી એ જ જ્ઞાતિની એક કરતાં વધુ ટીમની એન્ટ્રી ન આવી જાય. અરજીમાં કૅપ્ટન કે કો-ઑર્ડિનેટરનો નંબર અચૂક લખવો. આ એન્ટ્રી gmdcricket10@gmail.com પર ઈમેઇલ કરવી અને સબ્જેક્ટમાં ‘મિડ-ડે કપ TEN10 2026’ અચૂક લખવું. વધુ વિગત માટે દિનેશ સાવલિયાનો ૯૮૨૦૨ ૨૯૮૯૬ નંબર પર સંપર્ક કરવો.
આ સ્પર્ધા લીગ-કમ-નૉકઆઉટ ધોરણે રમાશે અને દરેક ટીમને કમસે કમ ૩ મૅચ રમવા મળશે. લીગ રાઉન્ડના અંતે દરેક ગ્રુપમાંથી બે ટીમ નેક્સ્ટ રાઉન્ડ અર્થાત્ પ્રી-ક્વૉર્ટર ફાઇનલમાં જશે. ત્યાર બાદ ગયા વર્ષની જેમ જ પ્રી-ક્વૉર્ટર ફાઇનલની વિજેતા ૬ ટીમ ૩-૩નાં બે ગ્રુપમાં ડિવાઇડ થઈને લીગ સ્ટાઇલમાં સુપર સિક્સ રાઉન્ડ રમશે. એની ટૉપ ફોર ટીમને IPL સ્ટાઇલના પ્લે-ઑફ્સમાં રમાડીને ફાઇનલની બે ટીમ નક્કી કરવામાં આવશે.
આ સ્પર્ધા માટેના જે નિયમો છે એમાંનો મુખ્ય નિયમ એ છે કે એમાં વેસ્ટર્નમાં વિરાર સુધીના તથા સેન્ટ્રલમાં શહાડ તથા પનવેલ સુધીના ખેલાડીઓ જ હોવા જોઈશે. જોકે દરેક જ્ઞાતિ તેમની ટીમમાં એક ખેલાડી મુંબઈ એરિયાની લિમિટની બહારનો પણ સામેલ કરી શકે છે. જોકે એ ખેલાડી તેમની જ્ઞાતિનો જ હોવો જોઈશે.
આ સ્પર્ધા માટેની એન્ટ્રી-ફી ૨૫,૦૦૦ રૂપિયા છે.
જેટલી એન્ટ્રી આવશે એમાંથી ટીમના સિલેક્શનમાં ‘મિડ-ડે’નો નિર્ણય ફાઇનલ ગણાશે.
