વૈભવ સૂર્યવંશીએ ૩૦ બૉલમાં ફિફ્ટી કર્યા બાદ ૬૭ બૉલમાં ૬ ફોર અને ૩ સિક્સની મદદથી ૭૨ રન ફટકાર્યા હતા. ૧૪ વર્ષ ૨૯૬ દિવસની ઉંમર ધરાવતો વૈભવ સૂર્યવંશી મેન્સ અન્ડર-19 વન-ડે વર્લ્ડ કપના ઇતિહાસમાં ૫૦+ રનની ઇનિંગ્સ રમનાર યંગેસ્ટ ક્રિકેટર બન્યો છે.
વૈભવ સૂર્યવંશી
મેન્સ અન્ડર-19 વન-ડે વર્લ્ડ કપ 2026માં ગઈ કાલે ભારતની ટક્કર બંગલાદેશ સામે થઈ હતી. વરસાદના વિઘ્નને કારણે મૅચને ૪૯-૪૯ ઓવરની કરવામાં આવી હતી. ભારતે ઓપનર વૈભવ સૂર્યવંશીના ૭૨ રન અને વિકેટકીપર-બૅટર અભિજ્ઞાન કુંડુના ૮૦ રનની મદદથી ૪૮.૪ ઓવરમાં ૨૩૮/૧૦નો સ્કોર કર્યો હતો. વરસાદને કારણે બીજી વખત મૅચ અટકી ત્યાર સુધીમાં બંગલાદેશે ૧૭.૨ ઓવરમાં બે વિકેટ ગુમાવીને ૯૦ રન કર્યા હતા. એ પછી બંગલાદેશને ૨૯ ઓવરમાં ૧૬૫ રનનો ટાર્ગેટ મળ્યો હતો, પણ ૧૦૬/૨ના સ્કોર પછી એનો ધબડકો થયો હતો અને એ ૧૪૬ રનમાં ઑલઆઉટ થઈ ગયું હતું. ભારતનો DLS મેથડથી ૧૮ રને વિજય થયો હતો.
વૈભવ સૂર્યવંશીએ ૩૦ બૉલમાં ફિફ્ટી કર્યા બાદ ૬૭ બૉલમાં ૬ ફોર અને ૩ સિક્સની મદદથી ૭૨ રન ફટકાર્યા હતા. ૧૪ વર્ષ ૨૯૬ દિવસની ઉંમર ધરાવતો વૈભવ સૂર્યવંશી મેન્સ અન્ડર-19 વન-ડે વર્લ્ડ કપના ઇતિહાસમાં ૫૦+ રનની ઇનિંગ્સ રમનાર યંગેસ્ટ ક્રિકેટર બન્યો છે. અગાઉનો રેકૉર્ડ અફઘાનિસ્તાનના શાહિદ ઉલ્લાહ કમાલ (૧૫ વર્ષ અને ૧૯ દિવસ)ના નામે હતો.
હવે બંગલાદેશ સામે પણ નો હૅન્ડશેક પૉલિસી?
ADVERTISEMENT
ગઈ કાલની મૅચના ટૉસ દરમ્યાન ભારતના કૅપ્ટન આયુષ મ્હાત્રે અને બંગલાદેશના વાઇસ-કૅપ્ટન ઝવાદ અબ્રારે હાથ મિલાવ્યો નહોતો. બંગલાદેશમાં હિન્દુઓની હત્યાને લઈને બન્ને દેશો વચ્ચે તનાવના કારણે આ વાત સામે આવી છે. અજ્ઞાત કારણોસર ટૉસ માટે નિયમિત બંગલાદેશી કૅપ્ટન અઝીઝુલ હકીમ તમીમ ગેરહાજર રહ્યો હતો. આતંકવાદી હુમલાના મુદ્દે તનાવ બાદ પાકિસ્તાન સામે પણ આ જ પૉલિસી અપનાવવામાં આવી હતી.
