° °

આજનું ઇ-પેપર
Monday, 05 December, 2022


મેઘના-શેફાલીની વિક્રમી ભાગીદારી બાદ ભારતની સતત બીજી જીત

04 October, 2022 12:35 PM IST | New Delhi
Gujarati Mid-day Correspondent | feedbackgmd@mid-day.com

૧૩મી ટી૨૦ મૅચ રમનાર આંધ્ર પ્રદેશની સબ્ભીનેની મેઘનાને પ્લેયર ઑફ ધ મૅચનો અવૉર્ડ અપાયો હતો

સબ્ભીનેની મેઘના અને સિલહટમાં વરસાદ પડતાં ડકવર્થ-લુઇસ મેથડના આધારે ભારતને વિજેતા ઘોષિત કરાયું. Women’s Asia Cup T20

સબ્ભીનેની મેઘના અને સિલહટમાં વરસાદ પડતાં ડકવર્થ-લુઇસ મેથડના આધારે ભારતને વિજેતા ઘોષિત કરાયું.

બંગલાદેશમાં ચાલતા વિમેન્સ ટી૨૦ એશિયા કપમાં ભારતીય મહિલા ટીમે ગઈ કાલે વરસાદના વિઘ્નવાળી મૅચમાં મલેશિયાને ૩૦ રનથી હરાવીને આ સ્પર્ધામાં સતત બીજા વિજય સાથે પૉઇન્ટ્સ-ટેબલમાં બીજું સ્થાન મેળવ્યું હતું. મલેશિયાને જીતવા માટે ૧૮૨ રનનો લક્ષ્યાંક મળ્યો હતો, પરંતુ ૫.૨ ઓવરમાં એના બે વિકેટે ૧૬ રન હતા ત્યારે વરસાદ શરૂ થયો હતો અને પછી વધુ રમત નહોતી થઈ શકી અને છેવટે ભારતીય ટીમને વિજેતા જાહેર કરાઈ હતી. મલેશિયાની બેમાંથી એક વિકેટ દીપ્તિ શર્માએ અને એક રાજેશ્વરી ગાયકવાડે લીધી હતી.

મલેશિયાની સાત બોલર્સના આક્રમણ છતાં હરમનપ્રીત કૌર ઍન્ડ કંપની ૧૮૧/૪નો તોતિંગ સ્કોર નોંધાવી શકી હતી. સ્મૃતિ મંધાનાને આરામ આપીને ઓપનિંગમાં સબ્ભીનેની મેઘના (૬૯ રન, ૫૩ બૉલ, એક સિક્સર, અગિયાર ફોર)ને મોકો અપાતાં તેણે ટીમ-મૅનેજમેન્ટના નિર્ણયને સાચો ઠરાવ્યો હતો. તેની આ પ્રથમ ટી૨૦ સદી હતી. સાથી-ઓપનર શેફાલી વર્મા (૪૬ રન, ૩૯ બૉલ, ત્રણ સિક્સર, એક ફોર) હાફ સેન્ચુરી ચૂકી ગઈ હતી, પરંતુ ત્રણ સિક્સરના ધમાકાથી તેણે અસલી ફૉર્મની ઘણા વખતે ઝલક બતાવી હતી. બન્ને વચ્ચે ૧૧૬ રનની ઓપનિંગ પાર્ટનરશિપ થઈ હતી. મહિલાઓના ટી૨૦ એશિયા કપમાં ભાગીદારીનો આ નવો વિક્રમ છે. તેમણે હરમનપ્રીત કૌર અને અનુજા પાટીલની ૨૦૧૨ની સીઝનની ૧૦૦ રનની ભાગીદારીનો રેકૉર્ડ તોડ્યો હતો.
ગઈ કાલની મૅચમાં વિકેટકીપર રિચા ઘોષે અણનમ ૩૩ રન બનાવીને ભારતને ૧૫૦-પ્લસનો સ્કોર અપાવવામાં મહત્ત્વનું યોગદાન આપ્યું હતું. ભારતે મંધાના ઉપરાંત સ્નેહા રાણા, પૂજા વસ્ત્રાકર અને મુખ્ય પેસ બોલર રેણુકા સિંહ ઠાકુરને પણ આરામ આપ્યો હતો.

૧૩મી ટી૨૦ મૅચ રમનાર આંધ્ર પ્રદેશની સબ્ભીનેની મેઘનાને પ્લેયર ઑફ ધ મૅચનો અવૉર્ડ અપાયો હતો. ભારતની આજે યુએઈ સામે (બપોરે ૧.૦૦ વાગ્યાથી) અને શુક્રવારે પાકિસ્તાન સામે મૅચ (બપોરે ૧.૦૦ વાગ્યાથી) રમાશે.

04 October, 2022 12:35 PM IST | New Delhi | Gujarati Mid-day Correspondent

અન્ય લેખો

ક્રિકેટ

બીકેસીમાં ઇન્ડિયા વિમેન અન્ડર-19 ટીમ જીતીને હવે ૫-૦ની ક્લીન સ્વીપની નજીક

કિવી ટીમ ૯૨ રનમાં ઑલઆઉટ થઈ હતી અને શ્વેતા સેહરાવતની ટીમે ૨૯ રનથી વિજય મેળવ્યો હતો

05 December, 2022 11:45 IST | Mumbai | Gujarati Mid-day Correspondent
ક્રિકેટ

લાયનની ૬ વિકેટ : ઑસ્ટ્રેલિયાએ ફ્રૅન્ક વૉરેલ ટ્રોફી જાળવી રાખી

માર્નસ લાબુશેનને મૅન ઑફ ધ મૅચનો પુરસ્કાર અપાયો હતો.

05 December, 2022 11:42 IST | New Delhi | Gujarati Mid-day Correspondent
ક્રિકેટ

બાહોશ સ્ટોક્સનું વહેલું ડિક્લેરેશનઃ પાકિસ્તાનને આજે ૨૬૩ રનની જરૂર

પાકિસ્તાને ૮૦ રનમાં બે વિકેટ ગુમાવી દીધી હતી

05 December, 2022 11:40 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK