ફૅન્સ સાથે ઇમરાને ઊજવી વર્ષગાંઠ, આવારાપનની સીક્વલની આપી સરપ્રાઇઝ ગિફ્ટ

ઇમરાને ચાહકોનો આભાર માન્યો હતો અને તેના આગામી પ્રોજેક્ટ ‘આવારાપન’ની સીક્વલની જાહેરાત કરી હતી.

ઇમરાન હાશ્મી

ઇમરાન હાશ્મીની ૨૪ માર્ચે ૪૬મી વર્ષગાંઠ હતી. ઇમરાને આ દિવસનું સેલિબ્રેશન મીડિયા સાથે તેમ જ પોતાના ફૅન્સ સાથે કર્યું હતું. આ સેલિબ્રેશનમાં ઇમરાને કેક કાપીને તેમ જ ચાહકો તથા પત્રકારો તરફથી શુભેચ્છા પ્રાપ્ત કરી હતી.

આ સેલિબ્રેશનમાં તેણે મીડિયા સાથે વાતચીત કરીને પોતાની બે દાયકાની બૉલીવુડ-કરીઅરની યાદગાર ક્ષણો શૅર કરી હતી. એ પછી ઇમરાને ચાહકોનો આભાર માન્યો હતો અને તેના આગામી પ્રોજેક્ટ ‘આવારાપન’ની સીક્વલની જાહેરાત કરી હતી.

ADVERTISEMENT

વિશેષ ફિલ્મ્સના બૅનર હેઠળ બની રહેલી ફિલ્મ ‘આવારાપન’ની સીક્વલ ૨૦૨૬ની ૩ એપ્રિલે સિનેમાઘરોમાં રિલીઝ થશે. ‘આવારાપન’ને મોહિત સૂરિએ ડિરેક્ટ કરી હતી, પરંતુ સીક્વલનો ડિરેક્ટર કોણ હશે એ હજી સુધી જાહેર થયું નથી તેમ જ ઇમરાન હાશ્મીની હિરોઇન કોણ હશે એ પણ હજી સુધી સ્પષ્ટ નથી થયું.