ડબલ કન્ફ્યુઝન અને ચાર ગણા ફન સાથે કપિલ શર્મા પાછો આવી રહ્યો છે ફિલ્મમાં

૧૦ વર્ષે આ ફિલ્મની સીક્વલ ‘કિસ કિસ કો પ્યાર કરું 2’ આવી રહી

ફિલ્મનું પોસ્ટર

કૉમેડિયન કપિલ શર્માએ ૨૦૧૫માં ‘કિસ કિસ કો પ્યાર કરું’ ફિલ્મ સાથે ઍક્ટિંગની દુનિયામાં પગ મૂક્યો હતો. હવે ૧૦ વર્ષે આ ફિલ્મની સીક્વલ ‘કિસ કિસ કો પ્યાર કરું 2’ આવી રહી છે જેનું મોશન પોસ્ટર કપિલે ગઈ કાલે જાહેર કર્યું હતું. આ ફિલ્મ ૧૨ ડિસેમ્બરે રિલીઝ થશે એવી જાહેરાત કરવામાં આવી છે. આ ફિલ્મનું જે ટીઝર રિલીઝ કરવામાં આવ્યું છે એમાં કપિલ શર્મા દુલ્હો બન્યો છે અને ડોલી પર બેઠો છે જેને ચાર દુલ્હનોએ ઉપાડી છે. સાથીકલાકાર મનજોત સિંહ આ દૃશ્ય જોઈને હતપ્રભ છે. આ ફિલ્મમાં જે હિરોઇનો છે એ છે હીરા વરિના, ત્રિધા ચૌધરી, પારુલ ગુલાટી અને આયેશા ખાન. કપિલે આ ફિલ્મ માટે સોશ્યલ મીડિયા પર લખ્યું છે : ડબલ કન્ફ્યુઝન અને ચાર ગણા ફન માટે તૈયાર થઈ જાઓ.