ક્રિતી સૅનન લાંબા સમયથી ઉદ્યોગપતિ કબીર બહિયા સાથેની રિલેશનશિપને કારણે ચર્ચામાં છે.
મંગળવારે ક્રિતીએ છેલ્લા ૬ મહિનાની કેટલીક તસવીરો શૅર કરી હતી જેમાં એક તસવીરમાં ક્રિતી અને કબીર હાથમાં હાથ નાખીને એક લાઇવ પર્ફોર્મન્સ જોઈ રહ્યાં છે
ક્રિતી સૅનન લાંબા સમયથી ઉદ્યોગપતિ કબીર બહિયા સાથેની રિલેશનશિપને કારણે ચર્ચામાં છે. હાલમાં કબીરની એક અજાણી યુવતી સાથેની તસવીર સોશ્યલ મીડિયા પર ચર્ચામાં આવતાં ક્રિતી અને કબીરના બ્રેકઅપની અટકળોએ જોર પકડ્યું હતું. જોકે ક્રિતીએ હવે કબીર સાથેની તેની નિકટતાના પુરાવા જેવી તસવીર શૅર કરીને આ તમામ અફવાઓ પર પૂર્ણવિરામ મૂકી દીધું.
મંગળવારે ક્રિતીએ છેલ્લા ૬ મહિનાની કેટલીક તસવીરો શૅર કરી હતી જેમાં એક તસવીરમાં ક્રિતી અને કબીર હાથમાં હાથ નાખીને એક લાઇવ પર્ફોર્મન્સ જોઈ રહ્યાં છે. આમ ક્રિતીની નવી પોસ્ટે તેના અને કબીરના બ્રેકઅપની તમામ અટકળોને ખોટી સાબિત કરી દીધી છે. હાલમાં કબીર સાથેના પોતાના સંબંધોની સ્પષ્ટતા કરતાં ક્રિતીએ કહ્યું હતું કે ‘હું લગ્ન ન કરું ત્યાં સુધી મારા અંગત જીવન વિશે વાત કરવા ઇચ્છતી નથી. જે દિવસે મારાં લગ્ન થશે તે દિવસે હું આ વિશે વાત કરીશ. કેટલીક બાબતો માત્ર મારી, મારા નજીકના લોકો અને અમારા વચ્ચે જ રહેવા માટે હોય છે. હું મારી નજીકના લોકોને બધું જ કહું છું.’
ADVERTISEMENT
કબીરની હાલમાં અન્ય યુવતી સાથે વાઇરલ થયેલી તસવીર વિશે તેની નજીકની એક વ્યક્તિએ કહ્યું હતું કે ‘કબીર જે યુવતી સાથે જોવા મળ્યો હતો તે તેની પારિવારિક મિત્ર છે અને તે તેને પોતાની બહેન સમાન માને છે. લોકો કેટલી ઝડપથી કોઈ પણ અંદાજ પર પહોંચી જાય છે અને ખોટી વાતો ફેલાવે છે એ દુર્ભાગ્યપૂર્ણ છે.’
