આ ગીત ‘શોલે’ના ‘મહબૂબા-મહબૂબા’ સ્ટાઇલથી પ્રેરિત હોવાનું કહેવાઈ રહ્યું છે
ગીતમાં સોનલ ચૌહાણે રણના બૅકડ્રૉપમાં એક આઇટમ-સૉન્ગ પર પર્ફોર્મ કર્યું છે
વેબ-સિરીઝ ‘મિર્ઝાપુર’ની સફળતા પછી હવે ‘મિર્ઝાપુર : ધ મૂવી’ ૪ સપ્ટેમ્બરે રિલીઝ થવાની છે અને હવે એની સાથે જોડાયેલું એક મોટું અપડેટ સામે આવ્યું છે. તાજેતરમાં આવેલા એક રિપોર્ટ મુજબ ફિલ્મમાં એક ખાસ ડાન્સ-સૉન્ગ ઉમેરવામાં આવ્યું છે. આ ગીત ‘શોલે’ના ‘મહબૂબા-મહબૂબા’ સ્ટાઇલથી પ્રેરિત હોવાનું કહેવાઈ રહ્યું છે. આ વખતે ગીતમાં પંકજ ત્રિપાઠી (કાલીનભૈયા), અલી ફઝલ, દિવ્યેન્દુ, જિતેન્દ્ર કુમાર, અભિષેક બૅનરજી અને રવિ કિશન જેવા કલાકારો પણ જોવા મળશે. આ ગીતમાં સોનલ ચૌહાણે રણના બૅકડ્રૉપમાં એક આઇટમ-સૉન્ગ પર પર્ફોર્મ કર્યું છે. આ ગીતના શૂટિંગ માટે ગયા મહિને જોધપુરના રણમાં ટેન્ટ લગાવવામાં આવ્યા હતા અને સતત ત્રણ રાત સુધી શૂટિંગ ચાલ્યું હતું. આ પ્રકારનું ગીત ફિલ્મની સીક્વન્સને વધુ મજેદાર બનાવશે એથી એને ફિલ્મમાં સામેલ કરવામાં આવ્યું છે.
