જુદા-જુદા જિલ્લામાંથી ૧૭૨ પુરુષો, ૨૮૨ સ્ત્રીઓ અને ૧૧૪ બાળકોને ઝડપી લેવાયાં
પ્રતીકાત્મક તસવીર
ગુજરાતમાં ગેરકાયદે રીતે અડિંગો જમાવીને બેઠેલા ઘૂસણખોર બંગલાદેશીઓને ખદેડવા માટે ગુજરાત પોલીસે ઑપરેશન ડેલ્ટા હન્ટ શરૂ કર્યું છે એમાં અત્યાર સુધીમાં કુલ ૫૬૮ બંગલાદેશીઓની ગુજરાત પોલીસે ધરપકડ કરી છે. અમદાવાદ, સુરત, રાજકોટ, વડોદરા સહિતનાં શહેરો અને નગરોમાં ગેરકાયદે રીતે રહેતા બંગલાદેશી નાગરિકોને શોધી-શોધીને તેમની ધરપકડ કરવામાં આવી રહી છે અને તેમના ડૉક્યુમેન્ટ્સ ચેક કરવામાં આવી રહ્યા છે. અત્યાર સુધીમાં ૫૬૮ બંગલાદેશીઓને ઝડપી લીધા છે જેમાં ૧૭૨ પુરુષો, ૨૮૨ સ્ત્રીઓ અને ૧૧૪ બાળકોનો સમાવેશ થાય છે. ગુજરાત પોલીસ દ્વારા હજી પણ તમામ જિલ્લાઓમાં જુદી-જુદી ટીમો દ્વારા જુદા-જુદા વિસ્તારોમાં સઘન સર્ચ ઑપરેશન કરીને શંકાસ્પદ વ્યક્તિઓની ઓળખ કરાઈ રહી છે.
