° °

આજનું ઇ-પેપર
Thursday, 19 May, 2022


વૈજ્ઞાનિકોનો દાવો-એક્સ-રે પરથી કહી શકાશે કે દર્દીને કોરોનાનું સંક્રમણ છે કે નહીં

20 January, 2022 11:14 AM IST | Scotland
Gujarati Mid-day Online Correspondent | gmddigital@mid-day.com

આ અંતર્ગત હવે એક્સ-રેની મદદથી જાણી શકાશે કે દર્દીને કોરોના છે કે નહીં. વૈજ્ઞાનિકોએ પણ તેને 98 ટકા સચોટ ગણાવ્યું છે. ટેસ્ટમાં વ્યક્તિમાં વાયરસની હાજરીને શોધવા માટે આર્ટિફિશિયલ ઈન્ટેલિજન્સ (AI)નો ઉપયોગ કરવામાં આવે છે.

પ્રતીકાત્મક તસવીર Covid-19

પ્રતીકાત્મક તસવીર

સ્કોટલેન્ડમાં (Scotland )વૈજ્ઞાનિકોના એક જૂથે કોરોના મહામારીને (Coronavirus Pandemic) લઈને એક નવો પ્રયોગ કર્યો છે. આ અંતર્ગત હવે એક્સ-રેની મદદથી જાણી શકાશે કે દર્દીને કોરોના છે કે નહીં. વૈજ્ઞાનિકોએ પણ તેને 98 ટકા સચોટ ગણાવ્યું છે. ટેસ્ટમાં વ્યક્તિમાં વાયરસની હાજરીને શોધવા માટે આર્ટિફિશિયલ ઈન્ટેલિજન્સ (AI)નો ઉપયોગ કરવામાં આવે છે.

સંશોધકોએ એમ પણ કહ્યું કે તે RT-PCR ટેસ્ટ કરતા ઝડપી હશે અને પરિણામ 5 થી 10 મિનિટમાં આવશે. RT-PCR રિપોર્ટ મેળવવામાં એક કલાકથી વધુ સમય લાગે છે. સંશોધકોએ કહ્યું કે લાંબા સમયથી એક ઝડપી અને ભરોસાપાત્ર સાધનની જરૂર હતી જે Covid-19ને શોધી શકે. એટલું જ નહીં, ઓમિક્રોન વેરિઅન્ટ પણ એક્સ-રે દ્વારા વહેલામાં વહેલી તકે શોધી કાઢવામાં આવશે.

UWS સંશોધકોના જણાવ્યા અનુસાર, નવી ટેકનિક એક્સ-રે ટેક્નોલોજીનો ઉપયોગ કરીને 3,000 થી વધુ ઈમેજીઝના ડેટાબેઝ સાથે સ્કેનની તુલના કરે છે, જે કોરોના દર્દીઓ, સ્વસ્થ વ્યક્તિ અને વાયરલ ન્યુમોનિયા સાથે કનેક્ટેડ છે. આ ટેક્નોલોજી આર્ટિફિશિયલ ઈન્ટેલિજન્સ (AI) પ્રક્રિયા દ્વારા સંચાલિત છે જે વિઝ્યુઅલ એસેસમેન્ટનું વિશ્લેષણ અને નિદાન કરવા માટે અલ્ગોરિધમનો ઉપયોગ કરે છે. UWS વૈજ્ઞાનિકોએ જણાવ્યું હતું કે વ્યાપક પરીક્ષણ તબક્કા દરમિયાન, ટેક્નોલોજી 98 ટકાથી વધુ સચોટ સાબિત થઈ છે.

પ્રોફેસર રમઝાને કહ્યું કે ઘણા દેશો મર્યાદિત ડાયગ્નોસ્ટિક સાધનોને કારણે મોટી સંખ્યામાં કોવિડ ટેસ્ટ કરાવવામાં અસમર્થ છે. પરંતુ અમારા આ સંશોધન દ્વારા વાયરસનું ડિટેક્શન ઝડપથી થાય છે. પ્રોફેસરે કહ્યું કે વાયરસના ગંભીર કેસોનું નિદાન કરતી વખતે આ શોધ જીવન બચાવવા માટે અગત્યની સાબિત થઇ શકે છે, કારણકે તેનાથી નક્કી કરી શકાશે કે કઈ સારવારની જરૂર પડી શકે છે. જો કે, તેમણે સ્વીકાર્યું કે એક્સ-રે ચેપના પ્રારંભિક તબક્કા દરમિયાન COVID-19 લક્ષણો નથી દેખાતા, તેથી તે પીસીઆર પરીક્ષણોને સંપૂર્ણપણે નથી બદલી નાખતા.

20 January, 2022 11:14 AM IST | Scotland | Gujarati Mid-day Online Correspondent

અન્ય લેખો

ઈન્ટરનેશનલ સમાચાર

સ્પૅમ બોટ્સ મામલે ટ્‌વિટરને મસ્કનું અલ્ટિમેટમ

જ્યાં સુધી તેઓ એમ નહીં કરે ત્યાં સુધી આ ડીલ આગળ નહીં વધી શકે.’ મસ્કને શંકા છે કે ટ્‌વિટર પર ઓછામાં ઓછા ૨૦ ટકા અકાઉન્ટ્સ સ્પૅમ બોટ્સ કે ફેક છે. 

18 May, 2022 09:26 IST | Washington | Agency
ઈન્ટરનેશનલ સમાચાર

એલિઝાબેથ બૉર્ન ફ્રાન્સની બીજી મહિલા વડાપ્રધાન બની, કાસ્ટેક્સનું રાજીનામું મંજુર

એલિઝાબેથ બૉર્ન 2018માં મેક્રોંની મધ્યમાર્ગી પાર્ટીમાં સામેલ થઈ. મેક્રોંની પહેલી સરકારમાં તે પહેલા પરિવહન મંત્રી અને પછી પર્યાવરણ મંત્રી હતાં.

17 May, 2022 06:02 IST | Mumbai | Gujarati Mid-day Correspondent
ઈન્ટરનેશનલ સમાચાર

મોદીએ નેપાલના પ્રવાસમાં ચીને બનાવેલા ઍરપોર્ટ પર પગ ન મૂક્યો

બન્ને દેશો વચ્ચે સાંસ્કૃતિક બાબતો અને શિક્ષણના ક્ષેત્રે સહકાર માટે છ સમજૂતી કરાર પર હસ્તાક્ષર કરવામાં આવ્યા

17 May, 2022 09:07 IST | Lumbini | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK