° °

આજનું ઇ-પેપર
Thursday, 02 December, 2021


લોકલમાં કોરોના પહેલાં પ્રવાસ કરતા લોકોમાંથી ૭૦ ટકા મુસાફરો પાછા ફર્યા

22 October, 2021 11:46 AM IST | Mumbai | Gujarati Mid-day Correspondent

વેસ્ટર્ન અને સેન્ટ્રલ રેલવેમાં ૮૫ લાખ મુસાફરો હતા જેમાંથી અત્યારે ૬૦ લાખ પ્રવાસીઓ ટ્રાવેલ કરવા લાગ્યા છે

ફાઈલ તસવીર

ફાઈલ તસવીર

મુંબઈમાં કોરોના સંક્રમણને કારણે છેલ્લા અનેક મહિનાઓથી લોકોને રેલવેમાં પ્રવાસની અનુમતિ અપાઈ રહી નહોતી. ત્યાર બાદ અનેક સ્તરથી માગણી થતાં બે ડોઝ લીધેલા લોકોને મન્થ્લી પાસ સાથે પરવાનગી આપી હોવાથી ધીરે-ધીરે ટ્રેનમાં ભીડ જોવા મળી રહી છે. ત્યાર બાદ ૧૮ વર્ષથી ઓછી ઉંમરના ​વિદ્યાર્થીઓને પણ પ્રવાસ કરવાની પરવાનગી અપાઈ છે. એથી હાલમાં ટ્રેનમાં કોવિડ મહામારી પહેલાં જેવો ધસારો જોવા મળી રહ્યો છે. અંદાજે ૭૦ ટકા ધસારો મુંબઈની લાઇફ લાઇનમાં ફરી આવી ગયો છે, પરંતુ એની સામે પ્રવાસીઓને યોગ્ય સુવિધાઓ મળી રહી ન હોવાથી એને પહેલાં શરૂ કરવાની માગણી રેલવે અસોસિએશન દ્વારા કરાઈ છે.

કોરોના પહેલાં મુંબઈની લોકલમાં રોજના ૮૦ લાખ લોકો પ્રવાસ કરતા હતા, જે પહેલી લહેર બાદ લોકલ શરૂ થયેલી ત્યારે પાંચ લાખથી શરૂ થઈને ૪૦ લાખ સુધી થયા હતા. જોકે ત્યાર બાદ બીજી લહેર આવતાં ફરી એક વાર લોકલ આમ આદમી માટે બંધ કરવામાં આવી હતી. હવે જ્યારે બધું ખૂલી ગયું છે ત્યારે લોકલમાં પ્રવાસીઓની સંખ્યા ૬૦ લાખ સુધી પહોંચી ગઈ છે.

આ વિશે રેલ યાત્રી પરિષદના અધ્યક્ષ સુભાષ ગુપ્તાએ ‘મિડ-ડે’ને જણાવ્યું હતું કે ‘રેલવેમાં વિવિધ કૅટેગરીના પ્રવાસીઓને તબક્કા વાર અનુમતિ અપાઈ છે. કાયદેસર પ્રવાસ કરતા પ્રવાસીઓની સાથે અન્ય ગેરકાયદે પ્રવાસ કરતા પ્રવાસીઓની પણ સંખ્યા ખાસ્સીએવી છે. હાલમાં ૭૦ ટકાથી વધુ પ્રવાસીઓ લોકલમાં પ્રવાસ કરી રહ્યા છે તેમ જ ગેરકાયદે પ્રવાસ કરી રહ્યા છે એ પાછા જુદા. જોકે સરવાળે પ્રવાસીઓની સંખ્યામાં કોવિડ મહામારીની પહેલાંની જેમ વધારો થયો છે. એને ધ્યાનમાં લઈને ૯૬ ટકા ટ્રેનસર્વિસને વધારીને ૧૦૦ ટકા કરવાની જરૂર છે. એની સાથે વધતા પ્રવાસીઓની સંખ્યાને ધ્યાનમાં લઈને સેન્ટ્રલ અને વેસ્ટર્ન રેલવે લાઇનમાં અનેક સ્ટેશનોએ યોગ્ય રીતે ન ચાલતી સુવિધાઓ પર ધ્યાન આપીને એને ફરી શરૂ કરવાની ખાસ્સી જરૂર છે. અનેક સ્ટેશનો પર સ્ટેશનની લિફ્ટ, એક્સેલેટર, એન્ટ્રી ગેટ, ટૉઇલેટ, વૉટર વેન્ડિંગ મશીન જેવી અનેક સુવિધાઓ પર ધ્યાન આપીને એને શરૂ કરવાની જરૂર છે. કોવિડના સમયે સ્ટેશનોની બહાર એન્ટ્રી ગેટ બંધ કરાયા હતા અને એમાંથી અમુક એન્ટ્રી ગેટ શરૂ થયા નથી. આ ઉપરાંત રેલવે સ્ટેશનના પરિસર અને પ્લૅટફૉર્મ પર આવેલાં ટૉઇલેટની સાફસફાઈ કરીને એને શરૂ કરવાં જરૂરી છે. અનેક સ્ટેશનો પર કોવિડકાળથી આ સુવિધા બંધ હતી અને હજી પણ અનેક સ્ટેશનોએ બંધ છે. આવનારા દિવસોમાં પ્રવાસીઓની સંખ્યામાં વધારો થશે અને ધસારો હજી વધશે એ ધ્યાનમાં રાખીને સુવિધાઓ પુન: યોગ્ય રીતે કાર્યરત કરવા વિશે જોવાની જરૂર છે.’

22 October, 2021 11:46 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

Omicron: મહારાષ્ટ્ર આવેલા 6 યાત્રીઓ કોરોના પોઝિટિવ, હવે આ નિયમો કરાયા ફરજિયાત

કોરોનાથી સંક્રમિત 6 લોકોમાંથી ત્રણ લોકો મુંબઈના કલ્યાણ, ડોંબિવલી અને મીરા ભાયંદર વિસ્તારના હોવાનું જાણવા મળ્યું છે.

01 December, 2021 07:18 IST | mumbai | Gujarati Mid-day Online Correspondent
મુંબઈ સમાચાર

સિલિન્ડર બ્લાસ્ટમાં ચાર મહિનાના બાળક સહિત ચાર જણ દાઝી ગયા

સવારે ૭ વાગ્યે ગૅસનું સિલિન્ડર ફાટ્યું હતું ત્યારે બધા સૂતા હતા એટલે આગથી બચવા માટે તેઓ ઝડપથી ઘરની બહાર દોડી ન શકતાં સખત દાઝી ગયા હોવાનું જાણવા મળ્યું હતું. 

01 December, 2021 11:55 IST | Mumbai | Gujarati Mid-day Correspondent
મુંબઈ સમાચાર

મુંબઈમાં આજે ભારે વરસાદની આગાહી, હવામાન વિભાગે યલો એલર્ટ કર્યુ જાહેર

હવામાન વિભાગે મુંબઈ શહેરમાં આજે ભારે વરસાદ પડવાની આગાહી કરી છે.

01 December, 2021 11:38 IST | mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK