પર્યાવરણનું જતન કરવાના આશય સાથે મોંઘી હોવા છતાં ડીઝલને બદલે ૧૦૦ ઇલેક્ટ્રિક બસ મગાવી છે
ડિસેમ્બર, ૨૦૨૦માં બેસ્ટના કાફલામાં માત્ર ૬૦ ડબલ-ડેકર હતી. ૨૦૨૩ સુધીમાં આ બસને ભંગારમાં કાઢી નખાશે.
ઇલેક્ટ્રિક વાહનો તરફ વળવાની બેસ્ટની નીતિએ ડબલ-ડેકર બસોની ઉપયોગિતા કે આવશ્યકતા પર પ્રશ્ન ઊભા કર્યા છે. ખર્ચ અમર્યાદ વધી રહ્યો છે તથા ખરીદીઓ પણ વધી રહી છે. બેસ્ટના ચીફે ગઈ કાલે ‘મિડ-ડે’ને જણાવ્યું હતું કે બેસ્ટના ઇલેક્ટ્રિફિકેશનમાં થયેલા વિલંબ છતાં નવી ઈ-બસ ૨૦૨૨ સુધીમાં જ આવી શકશે.
મુંબઈગરાઓની માગણી જેને ‘મિડ-ડે’ દ્વારા પ્રથમ વાચા અપાઈ હતી એ બેસ્ટે નવેમ્બર, ૨૦૨૦માં ૧૦૦ ઑટોમેટિક ટ્રાન્સમિશન ભારત સ્ટાન્ડર્ડ VI ક્લાસ પાવર ઑપરેટેડ દરવાજા ધરાવતી
નૉન-એસી ડબલ-ડેકર બસનો ઑર્ડર મૂક્યો હતો.
ઇલેક્ટ્રિક ડબલ-ડેકર વાહનોની કિંમત ડીઝલનાં વાહનો કરતાં ઘણી વધુ હોવાથી અગાઉના ખર્ચાની ગણતરીઓ ખોટી પડી રહી હતી. ૭૦ લાખ રૂપિયામાં પડતી ડીઝલ પર ચાલતી ડબલ-ડેકર બસની સામે ઇલેક્ટ્રિક ડબલ-ડેકર બસની કિંમત ૧.૭૦ કરોડ રૂપિયા થાય છે. જોકે ઇલેક્ટ્રિક વાહનો પર કેન્દ્ર સરકાર દ્વારા સબસિડી ઑફર કરવામાં આવે છે, એમ જણાવતાં એક વરિષ્ઠ અધિકારીએ જણાવ્યું હતું કે એનો કઈ રીતે ઉપયોગ કરી શકાય એની ગણતરી કરવામાં આવી રહી છે. ડીઝલથી ચાલતી બસો ૨૦૨૧માં આવવાની હતી, પરંતુ ઈ-વેહિકલ્સ ૨૦૨૨ સુધી જ આવી શકશે.
નવી ૧૦૦ ઇલેક્ટ્રિક ડબલ-ડેકર બસનો કાફલો આવતાં પહેલાં જૂની ડીઝલથી ચાલતી ડબલ-ડેકર બસોને ૨૦૨૩ સુધીમાં ભંગારમાં કાઢી નાખવામાં આવશે એવી ખાતરી બેસ્ટના ચૅરમૅન આશિષ ચેમ્બુરકરે આપી હતી.