° °

આજનું ઇ-પેપર
Tuesday, 04 October, 2022


મુંબઈ: પાત્રા ચૉલ ગોટાળામાં સંજય રાઉતની પત્ની વર્ષાની ED એ કરી પૂછપરછ

06 August, 2022 02:18 PM IST | Mumbai
Gujarati Mid-day Online Correspondent | gmddigital@mid-day.com

વર્ષા રાઉત શનિવારે પાત્રા ચૉલ ગોટાળા અને લેવડદેવડમાં અનિયમિતતાઓ સાથે જોડાયેલા મની લૉન્ડ્રિંગ કેસમાં ED સામે રજૂ થયાં.

ફાઈલ તસવીર

ફાઈલ તસવીર

મુંબઈમાં શિવસેના સાંસદ સંજય રાઉત બાદ પ્રવર્તન નિદેશાલય (ED) હવે તેમની પત્ની વર્ષા રાઉતની પણ પૂછપરછ કરી રહી છે. વર્ષા રાઉત શનિવારે પાત્રા ચૉલ ગોટાળા અને લેવડદેવડમાં અનિયમિતતાઓ સાથે જોડાયેલા મની લૉન્ડ્રિંગ કેસમાં ED સામે રજૂ થયાં.

ED એ અઠવાડિયાની શરૂઆતમાં વર્ષા રાઉતને સમન પાઠવ્યા હતા. તેમને શનિવારે ઇડી ઑફિસમાં રજૂ થવાનું હતું. આ પ્રમાણે વર્ષા રાઉત આજે સવારે 10.40 વાગ્યે દક્ષિણ મુંબઈના બલાર્ડ એસ્ટેટ સ્થિત ઇડી ઑફિસ પહોંચ્યાં.

આ દરમિયાન ED ઑફિસની બહાર મોટી સંખ્યામાં પોલીસ કર્મચારીઓને તહેનાત કરવામાં આવ્યા. કેન્દ્રીય તપાસ એજન્સી મુંબઈના ગોરેગાંવ વિસ્તારમાં પાત્રા ચૉલના પુનર્વિકાસ સંબંધિત 1034 કરોડ રૂપિયા ભૂમિ ગોટાળા મામલે તપાસ કરી રહી છે.

ઇડીએ પાત્રા ચૉલ ગોટાળામાં સંજય રાઉતની 1 ઑગસ્ટના ધરપકડ કરી. જ્યારે ગુરુવારે એક સ્થાનિક કૉર્ટે તેની ન્યાયિક અટક વધારતા તેમને 8 ઑગસ્ટ સુધી જ્યૂડિશિયલ કસ્ટડીમાં મોકલી દીધા.

EDએ પહેલા કૉર્ટને જણાવ્યું હતું કે સંજય રાઉત અને તેમના પરિવારને પાત્રા ચૉલ ગોટાળામાં એક કરોડ રૂપિયાથી વધારેની આવક મળી હતી.

પ્રવર્તન નિદેશાલયે એપ્રિલમાં પોતાની તપાસ હેઠળ વર્ષા રાઉત અને સંજય રાઉતના 2 સહયોગીઓની 11.15 કરોડ રૂપિયાથી વધારેની સંપત્તિને અસ્થાઈ રૂપે કુર્ક કરી હતી.

EDનો દાવો છે કે વર્ષા રાઉત પાસે મુંબઈના દાદરમાં એક ફ્લેટટ અને અલીબાગમાં કિહિમ બીચ પર આઠ પ્લૉટ સામેલ છે. આ પ્રૉપર્ટી વર્ષા રાઉત અને સ્વપ્ના પાટકરે ખરીદી હતી. સ્વપ્ના પાટકર સંજય રાઉતના સહયોગી સુજીત પાટકરની પત્ની છે. જો કે, સ્વપ્નાની પણ ઇડી આ મામલે પૂછપરછ કરી ચૂકી છે.

ઇડીએ પહેલા કહ્યું હતું કે ગુરુ આશીષ કન્સ્ટ્રક્શન પ્રાઈવેટ લિમિટેડ ચૉલના પુનર્વિકાસમાં સામેલ હતા, જેમાં મહારાષ્ટ્ર હાઉસિંગ એરિયા ડેવલપમેન્ટ ઑથૉરિટી (મ્હાડા) સાથે સંબંધિત 47 એકરમાં 672 ભાડૂત રહેતા હતા.

06 August, 2022 02:18 PM IST | Mumbai | Gujarati Mid-day Online Correspondent

અન્ય લેખો

મુંબઈ સમાચાર

મની લોન્ડરિંગ કેસ: શિવસેના નેતા સંજય રાઉતની કસ્ટડી 14 દિવસ લંબાવાઈ

મની લોન્ડરિંગ કેસ(Money Laundering case)માં જેલમાં રહેલા સંજય રાઉતની જેલ કસ્ટડી 14 દિવસ માટે લંબાવવામાં આવી છે.

19 September, 2022 02:32 IST | Mumbai | Gujarati Mid-day Online Correspondent
મુંબઈ સમાચાર

EDએ સંજય રાઉત વિરુદ્ધ દાખલ કરી ચાર્જશીટ, સોમવારે સેશન કોર્ટમાં સુનાવણી

શિવસેનાના પ્રવક્તા અને સાંસદ સંજય રાઉતની 31 જુલાઈના રોજ મોડી રાત્રે ઈડી દ્વારા આ કૌભાંડના સંબંધમાં ધરપકડ કરવામાં આવી હતી

16 September, 2022 11:28 IST | Mumbai | Gujarati Mid-day Online Correspondent
મુંબઈ સમાચાર

સંજય રાઉતની જામીન અરજી પર EDને જવાબ આપવાનો નિર્દેશ, આ તારીખે થશે સુનાવણી

મની લોન્ડરિંગ કેસમાં EDની કસ્ટડીમાં રહેલા શિવસેનાના સાંસદ સંજય રાઉતે જામીન માટે અરજી કરી છે

08 September, 2022 03:00 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK