° °

આજનું ઇ-પેપર
Monday, 27 September, 2021


માનસિક બીમાર અને ઘરવિહોણા કેટલા લોકોને રસી આપી? : હાઈ કોર્ટનો રાજ્ય સરકારને સવાલ

14 September, 2021 02:27 PM IST | Mumbai | Gujarati Mid-day Correspondent

ચીફ જસ્ટિસ દિપાંકર દત્તા અને જસ્ટિસ જી. એસ. કુલકર્ણીની બેન્ચે ત્રણ સપ્તાહમાં એફિડેવિટ દાખલ કરવા આદેશ આપ્યો હતો

ફાઈલ તસવીર

ફાઈલ તસવીર

બૉમ્બે હાઈ કોર્ટે મહારાષ્ટ્ર સરકારને ઘરવિહોણા હોય અથવા તો કાનૂની ગાર્ડિયન ન ધરાવતા હોય તેવા કેટલા માનસિક બીમાર લોકોની ઓળખ કરીને કોરોનાવિરોધી રસીકરણ માટે તેમની નોંધણી કરવામાં આવી છે તેની વિગતો આપતી એફિડેવિટ દાખલ કરવાનો સોમવારે હુકમ કર્યો હતો.

ચીફ જસ્ટિસ દિપાંકર દત્તા અને જસ્ટિસ જી. એસ. કુલકર્ણીની બેન્ચે ત્રણ સપ્તાહમાં એફિડેવિટ દાખલ કરવા આદેશ આપ્યો હતો.

સાથે જ બેન્ચે બૃહનમુંબઈ મ્યુનિસિપલ કૉર્પોરેશન (બીએમસી)ને રસીકરણ માટે નોંધણી કરવામાં આવી હોય તેવા લોકોની સંખ્યા અને રસી અપાઈ ચૂકી હોય તેમની સંખ્યા વિશે અદાલતને માહિતી પૂરી પાડતી એફિડેવિટ દાખલ કરવાનો આદેશ આપ્યો હતો.

બેન્ચે માનસિક રીતે બીમાર હોય અને રસીકરણ માટેની સંમતિ આપવાની સ્થિતિમાં ન હોય તેવા સહિતના નાગરિકો માટે કોરોનાવિરોધી રસીકરણની બહેતર પ્રાપ્યતાની માગણી કરતી જાહેર હિતની અરજી (પીઆઇએલ)ની સુનાવણી હાથ ધરી હતી.

મહારાષ્ટ્ર સરકારનાં કાઉન્સેલ ગીતા શાસ્ત્રીએ એફિડેવિટ સુપરત કરતાં જણાવ્યું હતું કે રાજ્યનાં ૧૭૬૧ માનસિક બીમાર લોકોને કોરોનાવિરોધી રસી અપાઈ હતી.

જોકે બેન્ચે નોંધ્યું હતું કે રાજ્યની એફિડેવિટમાં ઘરવિહોણા, પાલક વિનાના માનસિક બીમાર લોકોની સંખ્યાનો ફોડ પાડવામાં આવ્યો નહોતો. આવા લોકો કોરોના વાઇરસ ફેલાવી શકે છે અને આથી રાજ્યની ઑથોરિટીએ તેમની ઓળખ કરીને વહેલી તકે તેમને રસી મૂકવી જોઈએ તેમ અદાલતે જણાવ્યું હતું.

14 September, 2021 02:27 PM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

Mumbai: કાંદિવલીમાં 20 વર્ષના યુવકની હત્યા કરવા બદલ 4ની ધરપકડ, જાણો વિગત

મુંબઈના કાંદિવલીમાં 20 વર્ષીય વ્યક્તિની હત્યાના આરોપમાં ચાર લોકોની ધરપકડ કરવામાં આવી હતી, તેમ પોલીસે શનિવારે જણાવ્યું હતું.

26 September, 2021 08:42 IST | Mumbai | Gujarati Mid-day Online Correspondent
મુંબઈ સમાચાર

Mumbai Crime: રાજ કુન્દ્રાની ધરપકડ કરનાર યુનિટના APIની ધરપકડ, આ છે આરોપ

API પર આરોપ છે કે તેણે એક વ્યક્તિને લગ્ઝરી કારની ચોરીમાં આરોપી બનાવી છે. ત્યાર બાદ તે શખ્સનું નામ કેસમાંથી હટાવી દેવા માટે તેની પત્ની પાસે 12 લાખ રૂપિયાની માગ કરી છે.

26 September, 2021 08:25 IST | Mumbai | Gujarati Mid-day Online Correspondent
મુંબઈ સમાચાર

Thane : ડોમ્બિવલીમાંથી સગીરાનું અપહરણ, એક પકડાયો

એક અહેવાલ અનુસાર મુંબઈમાં આ વર્ષે જુલાઈ સુધીમાં 550 રેપ કેસ નોંધાય હતા, જેમાં 323 કેસમાં પીડિતા સગીર વયની હતી.

26 September, 2021 08:43 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK