રેસિડેન્શ્યલ પ્રોજેક્ટ્સ, કમર્શિયલ પ્રોજેક્ટ્સ, મિક્સ્ડ યુઝ ડેવલપમેન્ટ, લૉજિસ્ટિક પાર્ક, ડેટા સેન્ટર્સ અને ગ્લોબલ કૅપેબિલિટી સેન્ટર સ્થાપવામાં આવશે.
પ્રતીકાત્મક તસવીર
મુંબઈ મેટ્રોપૉલિટન રીજન (MMR)ના વિકાસ માટે મુંબઈ મેટ્રોપૉલિટન રીજન ડેવલપમેન્ટ ઑથોરિટી (MMRDA)એ વિશ્વભરમાં રોકાણ કરતી જાણીતી કૅનેડા-ટૉરોન્ટોની ગ્લોબલ ઇન્વેસ્ટમેન્ટ ફર્મ બ્રુકફીલ્ડ સાથે મેમોરેન્ડમ ઑફ અન્ડરસ્ટૅન્ડિંગ (MoU) સાઇન કર્યું છે. એ મુજબ આવનારાં પાંચથી સાત વર્ષમાં બ્રુકફીલ્ડ MMRમાં થનારા વિવિધ પ્રોજેક્ટ્સ માટે ૧,૦૩,૮૦૦ કરોડ રૂપિયાનું ફૉરેન ડાયરેક્ટ ઇન્વેસ્ટમેન્ટ (FDI) કરશે.
આ કોલૅબરેશન અંતર્ગત મેટ્રો પ્રોજેક્ટ્સ, રોડ્સ, બ્રિજ, અર્બન ઇન્ફ્રાસ્ટ્રક્ચર્સ, રિયલ એસ્ટેટ તેમ જ અન્ય બાબતો પર ફોકસ કરવામાં આવશે. આ ઉપરાંત રાયગડ જિલ્લાના ૩૨૩.૨૪ સ્ક્વેર કિલોમીટરમાં આકાર લેનાર ત્રીજી મુંબઈમાં પણ માતબર રોકાણ કરવામાં આવશે. એ સિવાય સ્પેશ્યલ પ્લાનિંગ એરિયા અંતર્ગત મુંબઈથી નૉર્થમાં પાલઘર જિલ્લાના ૧૦૦૬.૭૬ સ્ક્વેર કિલોમીટર અને સાઉથ રીજનમાં પણ રોકાણ કરવામાં આવશે; જેમાં રેસિડેન્શ્યલ પ્રોજેક્ટ્સ, કમર્શિયલ પ્રોજેક્ટ્સ, મિક્સ્ડ યુઝ ડેવલપમેન્ટ, લૉજિસ્ટિક પાર્ક, ડેટા સેન્ટર્સ અને ગ્લોબલ કૅપેબિલિટી સેન્ટર સ્થાપવામાં આવશે.
