Mumbai Rains Updates: સોમવારે સવારે ૮:૦૦ વાગ્યાથી મંગળવારે સવારે ૮:૦૦ વાગ્યા દરમિયાન, મુંબઈના અનેક વિસ્તારોમાં ભારે વરસાદ નોંધાયો હતો, જેમાં પશ્ચિમી ઉપનગરોમાં સૌથી વધુ વરસાદ પડ્યો
મુંબઈના હિંદમાતા વિસ્તારમાં પાણી ભરાઈ ગયા છે (તસવીરઃ આશિષ રાજે)
આમ તો મુંબઈ (Mumbai)માં છેલ્લા ચાર દિવસથી વરસાદ ચાલુ જ છે. પરંતુ ગઈકાલ સોમવારથી મુશળધાર વરસાદ (Mumbai Rains) છે અને આજે મંગળવારે પણ શહેર અને ઉપનગરમાં (Mumbai Rains Updates) અનરાધાર વરસાદ ચાલુ જ છે. ત્યારે છેલ્લા ૨૪ કલાકમાં ૩૦૦ મીમીથી વધુ વરસાદ નોંધાયો છે. જેમાં સૌથી વધુ વરસાદ પશ્ચિમી ઉપનગરોમાં નોંધાયો છે.
૧૮ ઓગસ્ટ સોમવારે સવારે ૮:૦૦ વાગ્યાથી ૧૯ ઓગસ્ટ મંગળવારે સવારે ૮:૦૦ વાગ્યા સુધી, મુંબઈના અનેક વિસ્તારોમાં ભારે વરસાદ નોંધાયો હતો, જેમાં પશ્ચિમી ઉપનગરોમાં સૌથી વધુ વરસાદ નોંધાયો હતો.
ADVERTISEMENT
પશ્ચિમી ઉપનગરોમાં, ચિંચોલી ફાયર સ્ટેશન (Chincholi Fire Station)એ મહત્તમ ૩૬૧ મીમી વરસાદ નોંધાવ્યો હતો. ત્યારબાદ કાંદિવલી ફાયર સ્ટેશન (Kandivali Fire Station)એ ૩૩૭ મીમી અને દિંડોશી કોલોની મ્યુનિસિપલ સ્કૂલ (Dindoshi Colony Municipal School)એ ૩૦૫ મીમી વરસાદ નોંધાવ્યો હતો. અન્ય નોંધપાત્ર વરસાદમાં માગાથાણે બસ ડેપો (Magathane Bus Depot)માં ૩૦૪ મીમી અને વર્સોવા પમ્પિંગ સ્ટેશન (Versova Pumping Station) પર ૨૪૦ મીમીનો સમાવેશ થાય છે.
મુંબઈમાં પણ ભારે વરસાદ પડ્યો. દાદર (Dadar) ખાતે એસડબલ્યુડી વર્કશોપ (SWD Workshop) ૩૦૦ મીમી સાથે ટોચ પર રહ્યો, જ્યારે વડાલા (Wadala)માં બી. નાડકર્ણી મ્યુનિસિપલ સ્કૂલ (B. Nadkarni Municipal School)માં ૨૮૨ મીમી વરસાદ નોંધાયો. અન્ય મુખ્ય સ્થળોમાં ફોર્સબેરી રોડ રિઝર્વોયર (Forsberry Road Reservoir)માં ૨૬૫ મીમી, સાયન (Sion)ની પ્રતિક્ષા નગર મ્યુનિસિપલ સ્કૂલ (Pratiksha Nagar Municipal School)માં ૨૫૨ મીમી અને વર્લી (Worli)ની સાવિત્રીબાઈ ફૂલે મ્યુનિસિપલ સ્કૂલ (Savitribai Phule Municipal School)માં ૨૫૦ મીમીનો સમાવેશ થાય છે.
પૂર્વીય ઉપનગરોમાં પણ ભારે વરસાદ પડ્યો. ચેમ્બુર ફાયર સ્ટેશન (Chembur Fire Station)માં ૨૯૭ મીમી, વિક્રોલી (Vikhroli) ખાતે બિલ્ડિંગ પ્રપોઝલ ઓફિસ (Building Proposal Office)માં ૨૯૩ મીમી અને પવઈ (Powai) ખાતે પાસપોલી મ્યુનિસિપલ સ્કૂલ (Passpoli Municipal School)માં ૨૯૦ મીમી વરસાદ પડ્યો. વીણા નગર મ્યુનિસિપલ સ્કૂલ (Veena Nagar Municipal School)માં ૨૮૮ મીમી વરસાદ પડ્યો, જ્યારે ટાગોર નગર મ્યુનિસિપલ સ્કૂલ (Tagore Nagar Municipal School)માં ૨૮૭ મીમી વરસાદ પડ્યો.
આ ચોવીસ કલાકનો સમયગાળો મુંબઈના ચોમાસાની તીવ્રતાને પ્રતિબિંબિત કરે છે, જેમાં અનેક સ્થળોએ ૩૦૦ મીમીથી વધુ વરસાદ પડ્યો છે, જેના પરિણામે સમગ્ર શહેરમાં પાણી ભરાઈ ગયા છે અને મુશ્કેલીઓનો સામનો કરવો પડી રહ્યો છે.
નોંધનીય છે કે, ભારતીય હવામાન વિભાગ (India Meteorological Department - IMD)એ સોમવારે જણાવ્યું હતું કે, આગામી ચાર દિવસ સુધી એટલે કે ૨૧ ઓગસ્ટ સુધી મુંબઈ અને ઉપનગરમાં ભારેથી અતિ ભારે વરસાદ ચાલુ રહેશે. મુંબઈ અને ઉપનગરમાં હવામાન વિભાગે ૨૧ ઓગસ્ટ સુધી ભારે વરસાદ અને પૂરના જોખમની ચેતવણી આપી છે.
