° °

આજનું ઇ-પેપર
Thursday, 19 May, 2022


પત્ની છોડીને જતી રહી છે એટલે બધા મને મોદી કહે છે

23 January, 2022 01:16 PM IST | Mumbai
Gujarati Mid-day Correspondent | feedbackgmd@mid-day.com

નાના પટોલેએ જેનો ઉલ્લેખ કર્યો હતો એ મોદી હોવાનો દાવો ઉમેશ ઘરડે નામની વ્યક્તિએ કર્યો : ચંદ્રકાંત પાટીલે કહ્યું કે નાના પટોલેએ બોગસ વ્યક્તિ ઊભી કરી હોવાથી તેમની સામે એફઆઇઆર નહીં થાય ત્યાં સુધી વિરોધ કરાશે

મોદી હોવાનો દાવો કરનારો ઉમેશ ઘરડે

મોદી હોવાનો દાવો કરનારો ઉમેશ ઘરડે

મોદીને મારવાની સાથે અપશબ્દો કહી શકું છું... એવું કહી રહ્યા હોય એવો કૉન્ગ્રેસના પ્રદેશાધ્યક્ષ નાના પટોલેનો વિડિયો વાઇરલ થયા બાદ બીજેપી તેમની સામે આક્રમક થઈ છે. જોકે શુક્રવારે નાના પટોલેના વકીલોએ આયોજિત કરેલી એક પ્રેસ-કૉન્ફરન્સમાં પોપટની જેમ બોલી રહેલી ઉમેશ ઘરડે નામની વ્યક્તિએ દાવો કર્યો હતો કે તેની પત્ની છોડીને જતી રહી હોવાથી ગામવાસીઓ તેને મોદી નામથી જ બોલાવે છે. તે દારૂનો ધંધો કરે છે એટલે શક્ય છે કે નાના પટોલએ તેના વિશે કહ્યું હોય. જોકે બીજેપીના પ્રદેશાધ્યક્ષ ચંદ્રકાંત પાટીલે ગઈ કાલે કહ્યું હતું કે ‘નાના પટોલે પોતાની ચામડી બચાવવા માટે હવે આવા લોકોને પત્રકારો સમક્ષ લાવીને ઊભા કરી રહ્યા છે. આ વ્યક્તિ બોગસ છે અને નાના પટોલે સામે એફઆઇઆર ન થાય ત્યાં સુધી અમે વિરોધ કરતા રહીશું.’
એક મરાઠી ન્યુઝ ચૅનલમાં બોલતી વખતે ઉમેશ ઘરડેએ કહ્યું હતું કે ‘દારૂના નશામાં હું કોઈને કંઈ પણ કહી શકું છું. દારૂ પીધા બાદ નાના પટોલે સહિત વધુ એક વ્યક્તિને મેં અપશબ્દો કહ્યા હતા. હું નાના પટોલેની માફી માગવા જવાનો હતો, પરંતુ તેમના સુધી પહોંચી નહોતો શક્યો. પોલીસ સ્ટેશનમાં ફરિયાદ કર્યા બાદ હું ગામમાં જતો રહ્યો હતો. ગામમાં લોકો મને ધમકી આપતા હતા એટલે ફરી નાગપુર આવ્યો. અહીં નાના પટોલેના વકીલ સતીશ ઉકેને મળ્યો હતો. પત્ની છોડીને જતી રહી હોવાથી ગામવાસીઓ મને મોદી કહે છે. ચાર વર્ષથી બધા મને મોદી કહે છે. દારૂનો વ્યવસાય કરું છું એટલે કદાચ નાના પટોલે મારા વિશે કંઈક બોલ્યા હશે.’
બીજેપીના પ્રદેશાધ્યક્ષ ચંદ્રકાંત પાટીલે ગઈ કાલે કહ્યું હતું કે ‘નાના પટોલેએ વડા પ્રધાનને મારવાની સાથે અપશબ્દો કહ્યા છે એટલે તેઓ હવે બચાવ માટે બોગસ લોકોને ગામના મોદી તરીકે પત્રકારો સામે લાવી રહ્યા છે. જોકે તેમના આવા પ્રયાસ કારગત નહીં નીવડે. જ્યાં સુધી નાના પટોલે પર એફઆઇઆર નહીં થાય ત્યાં સુધી અમે ચૂપ નહીં બેસીએ.’

23 January, 2022 01:16 PM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

Maharashtra: ઉદ્ધવ ઠાકરે મહારાષ્ટ્રના પ્રથમ સીએમ જેમનું ભાષણ શરમજનક: નારાયણ રાણે

શક્તિ પ્રદર્શન માટે સભા યોજાઈ હતી: રાણે

16 May, 2022 09:08 IST | Mumbai | Gujarati Mid-day Online Correspondent
મુંબઈ સમાચાર

હનુમાન ચાલીસા પર મહારાષ્ટ્રમાં રાજનીતિ યથાવત્: સોમૈયા કેન્દ્રીય ગૃહ સચિવને મળ્યા

લાઉડસ્પીકર પર નિયમો બનાવવા માટે મુંબઈમાં 28 પક્ષોની બેઠક શરૂ થઈ

25 April, 2022 04:23 IST | Mumbai | Gujarati Mid-day Online Correspondent
મુંબઈ સમાચાર

મહારાષ્ટ્રમાં રાજકારણ ગરમાયું: કિરીટ સોમૈયા અને સંજય રાઉત વચ્ચે પરસ્પર વાકયુદ્ધ

આખી રાત રાજનીતિ ચાલુ રહી, રવિવારે સવારે ફરી એક બીજા પર શાબ્દિક પ્રહારો શરૂ થયા હતા

24 April, 2022 05:21 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK