Gujarati Mid-day
Happiest Places to Work

ઇ-પેપર

વેબસ્ટોરીઝ

વેબસ્ટોરીઝ


App banner App banner
હોમ > સમાચાર > મુંબઈ સમાચાર > આર્ટિકલ્સ > બુલડાણામાં બે બસ અને બોલેરોના અકસ્માતમાં પાંચ જણે જીવ ગુમાવ્યા

બુલડાણામાં બે બસ અને બોલેરોના અકસ્માતમાં પાંચ જણે જીવ ગુમાવ્યા

Published : 03 April, 2025 10:53 AM | IST | Mumbai
Gujarati Mid-day Correspondent | feedbackgmd@mid-day.com

વહેલી સવારની ઘટનામાં રાજ્યના પરિવહનની બસ બોલેરો સાથે ટકારાયા બાદ એક પ્રાઇવેટ બસ પણ સ્ટેટ ટ્રાન્સપોર્ટની બસને અથડાઈ

બુલડાણા જિલ્લામાં ખામગાવ-શેગાવ હાઇવે પર રોડ-અકસ્માત થયો હતો

બુલડાણા જિલ્લામાં ખામગાવ-શેગાવ હાઇવે પર રોડ-અકસ્માત થયો હતો


બુલડાણા જિલ્લામાં ખામગાવ-શેગાવ હાઇવે પર ગઈ કાલે વહેલી સવારે ચાર અને પાંચ વાગ્યાની વચ્ચે રોડ-અકસ્માત થયો હતો, જેમાં પાંચ લોકોના જીવ ગયા હતા અને ૧૨ જણને ઈજા પહોંચી હતી. પોલીસના જણાવ્યા મુજબ મહારાષ્ટ્ર રાજ્યના પરિવહન વિભાગની બસ સાથે વહેલી સવારે એક બોલેરો જીપ ટકરાઈ હતી. બોલેરો જીપ અમરાવતીમાં આવેલા પરટવાડાથી પુણેની દિશામાં જઈ રહી હતી ત્યારે આ અકસ્માત થયો હતો, જેમાં જીપમાં બેસેલા ચાર લોકોનાં ઘટનાસ્થળે મૃત્યુ થયાં હતાં. હાઇવે પર બચાવકામ અને વાહનોને હટાવવાનું કામ ચાલી રહ્યું હતું ત્યારે પૂરઝડપે જઈ રહેલી એક પ્રાઇવેટ બસે પરિવહનની બસને પાછળથી ટક્કર મારતાં બસમાં પ્રવાસ કરી રહેલી એક મહિલાનું મૃત્યુ થયું હતું. મૃતદેહોને પોસ્ટમૉર્ટમ કરવા માટે મોકલી દેવામાં આવ્યા હતા અને ઘાયલ થનારા ૧૨ લોકોને નજીકની હૉસ્પિટલમાં દાખલ કરવામાં આવ્યા હોવાનું પોલીસે જણાવ્યું હતું.




અકસ્માતમાં બોલેરો જીપની સાથે બન્ને બસનો કચ્ચરઘાણ નીકળી ગયો હતો. બસ સાથે ટકરાયા બાદ બોલેરો જીપ રસ્તાની બાજુમાં આવેલા ઝાડ સાથે અથડાઈ હતી. 


Whatsapp-channel Whatsapp-channel

03 April, 2025 10:53 AM IST | Mumbai | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK