ચોરના પરિવારે કહ્યું હતું કે તેને પહેલેથી જ હાર્ટની તકલીફ હતી એટલે તેનું મૃત્યુ હાર્ટ-અટૅકને કારણે થયું હોવાની શંકા જણાવવામાં આવી હતી
વાઇરલ થયેલા વિડિયો પર અમુક યુઝરે આ ઘટનાને કર્મનું ફળ પણ ગણાવી દીધું હતું
માણસનાં કર્મો તેની સાથે જ ચાલતાં હોય છે. બૅન્ગલોરના એક મોબાઇલ-સ્નૅચરને તેનાં કર્મોનું ફળ તરત જ મળી ગયું હતું. બૅન્ગલોરમાં એક રાહદારીનો મોબાઇલ આંચકીને ભાગી રહેલા ચોરને અચાનક હાર્ટ-અટૅક આવી ગયો હતો અને ઘટનાસ્થળે જ તેણે જીવ ગુમાવ્યો હતો. એમાં પણ ૧૮ વર્ષનો આ ચોર પહેલી વાર ચોરી કરી રહ્યો હતો એટલે પકડાઈ જવાના ડરથી ગભરાઈ ગયો હતો. ચોર તેના સાગરીત સાથે સ્કૂટર પર હજી માંડ ૨૫૦ મીટર જેટલો આગળ ગયો હશે ત્યાં જ એક મજૂરે પોતાના ખભા પર ઉઠાવેલી ગૂણી ભાગી રહેલા ચોરના સ્કૂટર પર મારી દીધી હતી, જેને કારણે બન્ને ચોર ફુટપાથ પર પડી ગયા હતા. ત્યાં જ આ ચોરનું મૃત્યુ થઈ ગયું હતું. જોકે ચોરના પરિવારે કહ્યું હતું કે તેને પહેલેથી જ હાર્ટની તકલીફ હતી એટલે તેનું મૃત્યુ હાર્ટ-અટૅકને કારણે થયું હોવાની શંકા જણાવવામાં આવી હતી. વાઇરલ થયેલા વિડિયો પર અમુક યુઝરે આ ઘટનાને કર્મનું ફળ પણ ગણાવી દીધું હતું.
