અત્યારે તો સૉફી રોબોને લાર્જ લૅન્ગ્વેજ મૉડલની ચિપસેટ વાપરીને તૈયાર કરવામાં આવ્યો છે જે મોટી-મોટી કંપનીઓના રોબોમાં વપરાય છે. અત્યારે માત્ર હિન્દીમાં જ બોલી શકતી સૉફીને આદિત્ય હિન્દી લખતાં કરવા માગે છે.
સોફી આર્ટિફિશ્યલ ઇન્ટેલિજન્સ રોબો
ઉત્તર પ્રદેશના બુલંદશહરમાં બારમા ધોરણમાં ભણતા આદિત્યકુમાર નામના સ્ટુડન્ટે એક ચિપસેટની મદદથી સોફી નામના આર્ટિફિશ્યલ ઇન્ટેલિજન્સ રોબોનું નિર્માણ કર્યું છે. આ રોબો હિન્દીમાં વાત કરે છે અને વિદ્યાર્થીઓને ગણિત, વિજ્ઞાન અને સામાન્ય જ્ઞાન શીખવે છે. આદિત્યનું કહેવું છે કે જ્યારે ક્લાસમાં ટીચર હાજર ન હોય ત્યારે તેમની અવેજીમાં સૉફી મૅમ ટીચરની ભૂમિકા ભજવી શકે એટલાં સજ્જ છે. શિવચરણ ઇન્ટર-કૉલેજમાં ભણતા ૧૭ વર્ષના આદિત્યકુમારે આ રોબો ટીચર સ્કૂલનાં બાળકોને ભણાવવા તેમ જ હોમવર્કનું રિવિઝન કરાવવાનું કામ કરી શકે એ રીતે તૈયાર કર્યાં છે. સૉફીને પૂછો કે તમે કોણ છો, તમારી ઓળખ આપો તો એ પોતાની ઓળખ પણ આપી શકે છે. એને એ પણ ખબર છે કે તેને બનાવનાર સ્ટુડન્ટ કોણ છે અને તેણે કઈ સ્કૂલમાં કયા ધોરણના સ્ટુડન્ટ્સને ભણાવવાનું છે. અત્યારે તો સૉફી રોબોને લાર્જ લૅન્ગ્વેજ મૉડલની ચિપસેટ વાપરીને તૈયાર કરવામાં આવ્યો છે જે મોટી-મોટી કંપનીઓના રોબોમાં વપરાય છે. અત્યારે માત્ર હિન્દીમાં જ બોલી શકતી સૉફીને આદિત્ય હિન્દી લખતાં કરવા માગે છે.
