જેવો તે પાંજરામાં ઘૂસ્યો અને બાંધેલા બકરાને ખોલ્યો કે તરત બકરો ભાગ્યો અને પાંજરું બંધ થઈ ગયું. આખી રાત ચોર પાંજરે પુરાયેલો રહ્યો અને જ્યારે સવારે વનવિભાગના કર્મચારીઓએ અંદર દીપડાને બદલે માણસ જોયો ત્યારે અચંબિત થઈ ગયા.
વાયરલ વીડિયોમાંથી સ્ક્રીન શૉટ
ગામની સીમમાંથી હવે દીપડા ગામો અને શહેરોમાં ઘૂસવા લાગ્યા છે. ઉત્તર પ્રદેશના બહરાઇચ જિલ્લામાં એક વિસ્તારમાં દીપડાનો ત્રાસ ખૂબ વધી ગયો છે. ગમે ત્યારે દીપડા ઘરમાં ઘૂસી જાય છે અને પાળેલાં પશુઓને તાણી જાય છે. વનવિભાગે ગુરુવારે રાતે દીપડાને પકડવા માટે એક ગામમાં પાંજરું ગોઠવ્યું હતું અને એ લોભાઈને આવે એ માટે બકરાને પણ બાંધ્યો હતો. જોકે એમાં પણ એક ચોરનું મન લલચાયું. ચોરભાઈ પાંજરામાં પૂરેલા બકરાને તાણી જવાની કોશિશમાં ખુદ પાંજરે પુરાઈ ગયા હતા. જેવો તે પાંજરામાં ઘૂસ્યો અને બાંધેલા બકરાને ખોલ્યો કે તરત બકરો ભાગ્યો અને પાંજરું બંધ થઈ ગયું. આખી રાત ચોર પાંજરે પુરાયેલો રહ્યો અને જ્યારે સવારે વનવિભાગના કર્મચારીઓએ અંદર દીપડાને બદલે માણસ જોયો ત્યારે અચંબિત થઈ ગયા. અત્યારે તો તે યુવકને ચેતવણી આપીને છોડી દેવાયો.
