સોશ્યલ મીડિયા પર વાઇરલ થયેલા એક વિડિયોમાં ઘાયલ કોબ્રાને રેસ્ક્યુ કરતી વખતે એક મહિલાએ તેના ઘા પર હળદર લગાવી હતી. ત્યારબાદ સ્નેક-રેસ્ક્યુઅરે સાપને સુરક્ષિત રીતે જંગલમાં મુક્ત કર્યો.
કોબ્રાને પકડ્યા પછી ખબર પડી કે એ ઘાયલ છે એટલે હળદર લગાવીને પછી જંગલમાં છોડ્યો
સોશ્યલ મીડિયા પર એક વિડિયો ખૂબ વાઇરલ થયો છે જેમાં એક અગાસીમાં લાંબો અને કાળો ઝેરી સાપ સળવળી રહ્યો છે. વાઇલ્ડલાઇફનો નિષ્ણાત એ સાપને પૂંછડીએથી પકડીને અને મોં દબાવીને પકડી લે છે. ઝેરી સાપ ઝપટ મારીને કરડી લેતા હોય છે એટલે સ્નેક-રેસ્ક્યુઅર હાથેથી જ એનું મોં દાબી દે છે. એ જ વખતે પાસે ઊભેલી એક મહિલાને ખબર પડે છે કે સાપના શરીર પર ઘા થયો છે અને એમાંથી નીકળતું લોહી જામી ગયેલું છે. એટલે કોબ્રાને કોથળામાં ભરતાં પહેલાં જ એ મહિલા તેના શરીર પર લગાવવા માટે હળદર લઈને આવે છે. હળદર ચોપડીને પછી સાપને હળવેકથી કોથળામાં ભરીને જંગલમાં છોડી દેવાય છે.
