બંગલાદેશ સામે પ્રતિષ્ઠા બચાવવા માટે પાકિસ્તાનને મળ્યો ૪૩૭ રનનો ટાર્ગેટ

મુશફિકુર રહીમના શાનદાર ૧૩૭ રનની મદદથી બંગલાદેશે બીજી ઇનિંગ્સમાં કર્યા હતા ૩૯૦ રન

મુશફિકુર રહીમ

બે મૅચની ટેસ્ટ-સિરીઝની બીજી ટેસ્ટ-મૅચના ત્રીજા દિવસે બંગલાદેશે મહેમાન ટીમ પાકિસ્તાન સામે ૪૩૭ રનનો વિશાળ ટાર્ગેટ સેટ કર્યો છે. પહેલી ઇનિંગ્સમાં ૨૭૮ રન કરનાર બંગલાદેશે બીજી ઇનિંગ્સમાં ૧૦૨.૨ ઓવરમાં ૩૯૦-૧૦નો સ્કોર કર્યો હતો. પહેલી ઇનિંગ્સમાં માંડ-માંડ ૨૩૨ રન કરનાર પાકિસ્તાને ગઈ કાલે ત્રીજા દિવસને અંતે બે ઓવરમાં વિકેટ ગુમાવ્યા વગર એક પણ રન કર્યો નહોતો. બંગલાદેશ વતી પાંચમા ક્રમે રમી રહેલા મુશફિકુર રહીમે ૨૩૩ બૉલમાં ૧૨ ફોર અને એક સિક્સની મદદથી ૧૩૭ રન ફટકાર્યા હતા. બંગલાદેશ માટે સૌથી વધુ 14 ટેસ્ટ-સદી ફટકારનાર બૅટર બન્યો મુશફિકુર રહીમ.